Byambo bya Maana 5:1-23
5 Mwanami, tesha muchima ku maana ami.
Telekesha* ku milangwe yami,+
2 Pa kuba’mba ulame maana a kupima bintuNe kulama maana a kuyuka bintu.+
3 Mambo byambo bya mwanamukazhi uji na byubilo byatama* byatobala nobe jipuma ja buki,+Kabiji byatunwa byanji byatezhima kukila manyi.+
4 Pano bino, ku mpelo bikala nobe kichi kyalula+Kabiji byatwa nobe mpoko yatwa kubiji.+
5 Maulu anji akunkulukila ku lufu.
Maulu anji aya konka ku Kilende.*
6 Aye kechi ulangulukapo pa jishinda ja ku bumi ne.Upitañanatu mu mashinda anji, bino kechi uyuka ko abena kuya ne.
7 Pano, anweba baana bami, ntelekaiKabiji kange mubule kulondela byo mbena kwamba ne.
8 Kechi mupichile kwipi ne aye ne;Kange muye kwipi na kibelo kya nzubo yanji ne,+
9 Pa kuba’mba mubule kupana munema wenu ku bantu bangi+Nangwa kuyanda mu myaka ya bumi bwenu bonse;*+
10 Pa kuba’mba bantu bangi bakabule kwimupwishisha bunonshi* bwenu+Ne bintu byo mwayanjijile bikabule kuya ku nzubo ya muntu ungi.
11 Mambo inge ne, mukabinzanga ku mpelo ya bwikalo bwenuKimye kikonaika mibiji yenu+
12 Kabiji mukamba’mba: “Byo nashikilwepo mafunde!
Muchima wami byo alengulwilepo bya kunjimunako!
13 Kechi naumvwijile byambuujilenga bamfundangakoNangwa kuta muchima ku bafunjishi bami ne.
14 Njitu pepi konaikaMu kipwilo kyonse.”*+
15 Tomanga mema a mu mushima* wobeNe mema atupauka* mu mushima wobe.+
16 Nanchi masulo obe afwainwa kutwalanga mema pangye,Nangwa tukola tobe twa mema kukonkolokelanga mu lubanza nyi?+
17 Ekale obetu bunke,Kechi wiabane na benyi ne.+
18 Nsulo ya mema obe yubilwe bibusa,Kabiji usangalele mu mukazhobe wa mu bwanyike bobe,+
19 Ye nsebula wawama, kikwinji* walamba.+
Mabele anji akusangajikenga* kimye kyonse.
Kabiji ukomokenga butemwe bwanji kimye kyonse.+
20 Mwanami, mambo ka o wafwainwa kukomokelanga mwanamukazhi uji na byubilo byatama*Nangwa kukumbata mwanamukazhi pite?*+
21 Mambo Yehoba umona mashinda a muntu;Utalatala mashinda onse a muntu.+
22 Bubi bwa muntu buji nobe kitewa kwi aye mwine,Kabiji bubi bwanji bukamukasankanya nobe mizhinge.+
23 Ukafwa na mambo a kubula kulondela mafundeNe kuya mungi na mambo a kukizhamo kukosama kwanji.
Tubyambo twa munshi
^ Mu Kihebelu, “Umbika kutwi kobe.”
^ Mu Kihebelu, “kunowa myaka ya bya malwa.”
^ Nangwa’mba “bulume.”
^ Mu Kihebelu, “Mukachi ka jibumba ne mu kipwilo.”
^ Ko kuba’mba, kimbo mwa kulamina mema.
^ Nangwa’mba “a katataka.”
^ Nangwa’mba “mbunzhi wa mungye.”
^ Nangwa’mba “akulengelenga kupendwa.”
