Isaya 55:1-13
55 Iyai anweba bonse mwafwa kilaka,+ iyai mutambule mema!+
Ne anweba mwabula mali, iyai mutambule kajo muje!
Iyai mutambule binyu ne mukaka+ bya bupetu.+
2 Mambo ka o mutayila mali enu ku kajo kabula kunema,Kabiji mambo ka o monawina mali* enu ku bintu byakonsha kubula kwimukwasha?
Umvwai kwi amiwa ne kuja kajo kawama,+Kabiji anweba* mukasangalala pa kuja kajo kawama.*+
3 Telekai kabiji mwiye kwi amiwa.+
Umvwai, kabiji mukekala* na bumi,Nkalayañana nenu lulayañano lwa myaka+Kwesakana na butemwe bubula kwaluka bo nalayile Davida, bonka bwa kishinka.*+
4 Talai! Amiwa namutongwele kwikala kamonyi+ ku bisaka bya bantu,Ne kwikala ntangi+ wa kutangijila+ bisaka bya bantu.
5 Umvwa! Obewa uketa bisaka bya bantu byo wabula kuyuka,Ne bisaka bya bantu byabula kukuyuka bikeya kwi obewaNa mambo a Yehoba Lesa wobe,+ Wazhila wa Isalela,Mambo aye ukakutumbijika.+
6 Mukebai Yehoba mu kimye kyo mwakonsha kumutaana.+
Mwitai byo akiji pepi.+
7 Muntu mubi aleke byubilo byanji byatama+Kabiji muntu watama naye aleke kulanguluka bintu byatama;Abwele kwi Yehoba, yenka ukamubila lusa,+Abwele kwi Lesa wetu mambo aye ukamulekelako* mambo anji onsetu.+
8 Yehoba waamba’mba, “Milanguluko yami kechi iji pamo na milanguluko yenu ne,+Ne mashinda enu kechi aesakana pamo na mashinda ami ne.
9 Mambo byonkatu jiulu byo jiji palepa na ntanda,Ne mashinda ami nao byo byo akila mashinda enuNe milanguluko yami byo byo yakila milanguluko yenu.+
10 Mambo byonkatu mvula ne mabebe byo binokela pano pa ntanda kufuma mwiulu,Byo bibula kubwela mwiulu, poso byanekenya mushiji ne kulengela kajo kumena ne kukoma,Ne kupana nkunwa ku ubyala ne kajo ku uja,
11 Byo bikekala ne byambo bifuma mu kanwa kami.+
Kechi bikabwela kwi amiwa kyatutu ne,+Poso bikobe byonka byo nkeba,*+
Kabiji kine bikoba kintu kyonka kyo nebitumijile.
12 Mambo anweba mukaya na lusekelo,+Ne kwimubwezha mu mutende.+
Mitumba ne tutumbatumba bikasangalala ne kwimwimbila na lusekelo,+Kabiji bichi byonse bya mungye bikapopwela mu maboko abyo.+
13 Apa pamenene bichi bya miba pakamena kichi kya yunipa,+Ne pamenene kichi kya kyasankulukila pakamena kichi kya melito.
Kabiji kino kikalengela Yehoba kutumbijikwa,*+Kikekala kiyukilo kya myaka ne myaka kikabula kuzhimañana.”
Tubyambo twa munshi
^ Nangwa’mba “mabwe a mujilo.”
^ Nangwa’mba “mali o mumwenamo pa kwingila na ngovu.”
^ Nangwa’mba “myeo yenu.”
^ Mu Kihebelu, “kanuna.”
^ Nangwa’mba “mweo wenu ukekala.”
^ Nangwa’mba “bwa kine; bwaketekelwa.”
^ Nangwa’mba “ukamulekelako mambo na muchima yense.”
^ Nangwa’mba “kyaswa muchima wami.”
