Salamo 112:1-10
112 Totai Yehoba!*+
א [Aleph]
Ye mwine wa lusekelo awa wakamwa Yehoba,+ב [Beth]
Yenka usangalela mu mikambizho yanji.+
ג [Gimel]
2 Ba mu kisemi kyanji bakakosa mu kyalo,ד [Daleth]
Ne kisemi kya baoloka kikobilwa bibusa.+
ה [He]
3 Bya buneme ne bunonshi biji mu nzubo yanji,ו [Waw]
Ne bololoke bwanji bukatwajijila myaka ne myaka.
ז [Zayin]
4 Ku baoloka usama nobe kyeya mu mfishi.+
ח [Heth]
Ye wa kifyele* ne lusa+ kabiji waoloka.
ט [Teth]
5 Awa ukongwesha na muchima wakasuluka, bintu bimuwamina.+
י [Yod]
Ubila bintu mu bololoke.
כ [Kaph]
6 Kechi ukatenkena ne.+
ל [Lamed]
Baoloka bakebavulukanga myaka ne myaka.+
מ [Mem]
7 Aye kechi ukachina pa kumvwa byatama ne.+
נ [Nun]
Muchima wanji washikimana kabiji waketekela mwi Yehoba.+
ס [Samekh]
8 Muchima wanji washikimana;* aye kechi wakamwa ne;+ע [Ayin]
Ku mpelo ukamona bikamwekela balwanyi banji.+
פ [Pe]
9 Upana bupe bwavula;* wapapo ne bayanji.+
צ [Tsade]
Bololoke bwanji bukatwajijila myaka ne myaka.+
ק [Qoph]
Bulume* bwanji bukatumbijikwa mu lukumo.
ר [Resh]
10 Mubi ukamona ne kuzhingila.
ש [Shin]
Ukashenka ku meno anji ne kuzhimañana.
ת [Taw]
Bintu bikeba babi bikazhiya.+
Tubyambo twa munshi
^ Nangwa’mba “Aleluya!”
^ Nangwa’mba “bibusa.”
^ Nangwa’mba “wakosa; ubula kutelengela.”
^ Nangwa’mba “na muchima yense.”
^ Mu Kihebelu, “lusengo.”