Salamo 40:1-17
Kwi ntangi. Wa kwa Davida. Lwimbo.
40 Naketekejile mwi* Yehoba na muchima wami yense,Ne aye wantelekele* ne kumvwa kujila kwami kwa kukeba bukwasho.+
2 Wantuntwile mu kimbo muji mema apoota,Ne kumfumya mu buchichi.
Kabiji wabikile maulu ami pa jibwe jikatampe;Wakoseshe po nyanta.
3 Kepo abikile lwimbo mupya mu kanwa kami,+Wa kutota Lesa wetu.
Bantu bavula bakamona ne kwakamwaNe kuketekela mwi Yehoba.
4 Ye mwine wa lusekelo waketekela mwi YehobaUbula kukwatankana na bansatuki nangwa na boba bamba bya bubela.
5 Byo byavulapo bintu byo mwauba,Anweba Yehoba Lesa wami!
Mingilo yenu ya kukumya ne bintu byo mwitulangulukila.+
Kafwako waesakana ne anweba ne;+Inge nakeba namba mbulañane ne kwibyamba,Byavujisha kabiji byakukankalwa kubala!+
6 Kitapisho ne mulambo kechi mwibikebelenga* ne,+Bino mwashinkwile matwi ami kuba’mba nteleke.+
Kechi mwakebelenga milambo ya kusoka ne milambo ya bubi ne.+
7 Kepo naambile namba: “Talai, naiya.
Mu muvungilo,* mo kyanembwa pe amiwa.+
8 Nsekela* bingi kuba kyaswa muchima wenu, anweba Lesa wami,+Ne mizhilo yenu iji mwine mukachi kami.+
9 Nsapwila mambo awama a bololoke mu kipwilo kikatampe.+
Kechi nkaanya byatunwa byami ne,+Byonkatu byo mwayuka, anweba Yehoba.
10 Kechi mfya bololoke bwenu mu muchima wami ne.
Nsapwila bukishinka bwenu ne lupulukilo.
Kechi mfya butemwe bwenu bubula kwaluka ne bukine bwenu mu kipwilo kikatampe ne.”+
11 Anweba Yehoba, kange mubule kungubila lusa ne.
Butemwe bwenu bubula kwaluka ne bukine bwenu bindamenga kimye kyonse.+
12 Bya malwa byanzhokoloka byavula bya kukankalwa kubala.+
Kabiji bubi bwami bwamvujila, kya kuba nakankalwa ne kumona jishinda jami;+Bwavujisha kukila ne nsuki ya ku mutwe wami,Kabiji nalefulwa bingi.
13 Anweba Yehoba, swai kumpulusha.+
Anweba Yehoba, pelawizhai kunkwasha.+
14 Aba bonse bakeba konauna bumi* bwamiKibalenge bumvu kabiji bebapelule.
Aba basekela mu bya malwa byamiBabwelemo saka balengululwa.
15 Aba bañambila’mba: “Eyo! Eyo!”
Bakankamanetu na mambo a bumvu bwabo.
16 Bino aba bemukeba+Basekele ne kusangalela mwi anweba.+
Aba batemwa mingilo yenu ya lupulukilo bambenga kimye kyonse amba:
“Yehoba atumbijikwe.”+
17 Bino amiwa kechi nji na wa kunkwasha ne, kabiji nemuyanji;Yehoba ante muchima.
Yenu nkwasho wami kabiji mupokolweshi wami;+Anweba Lesa wami, kange mubande ne.+
Tubyambo twa munshi
^ Nangwa’mba “natekenye pa kupembelela.”
^ Nangwa’mba “wakunamine pa kuteleka.”
^ Nangwa’mba “kusangalelamo.”
^ Mu Kihebelu, “muvungilo wa buku.”
^ Nangwa’mba “nkeba.”
^ Nangwa’mba “mweo.”
