Salamo 63:1-11
Lwimbo wa kwa Davida, kimye kyo ajinga mu kiselebwa kya Yuda.+
63 Anweba Lesa, yenu Lesa wami, ye nkeba kimye kyonse.+
Nji bingi na kilaka* kya kwimukeba.+
Napungila* na mambo a kwimukebeshaMu kyalo mwauma, mwabula mema.+
2 Onkao mambo, nemumona mu mpunzha yazhila;Namona bulume ne lukumo lwenu.+
3 Mambo butemwe bwenu bubula kwaluka bwawama kukila bumi,+Byatunwa byami bikemutumbijikanga.+
4 Byonkabyo, nkemutotanga mu bwikalo bwami bonse;Nkasuntwilanga maboko ami mu jizhina jenu.
5 Naikuta* na kibese* kyawamisha,Onkao mambo, nkemutota na jiwi ja lusekelo.+
6 Nemuvuluka saka nji pa mwanya wami;Ndanguluka languluka pe anweba mu bilo bya bufuku.+
7 Mambo yenu nkwasho wami,+Kabiji ñimba na lusekelo mu kimfutele kya byapi byenu.+
8 Nakakachila* kwi anweba;Kuboko kwenu kwa kilujo kwankwachijila.+
9 Bino aba bakeba konauna bumi* bwamiBakaya mu kalengwa ka bafu.
10 Bakafwa ku mpoko;Bakekala ke kajo ka balubwala.
11 Pakuba mfumu ukasangalela mwi Lesa.
Muntu yense uchipila mu jizhina ja Lesa ukasangalala,*Mambo tunwa twa boba bamba bubela baketuzhindamikapo.
Tubyambo twa munshi
^ Nangwa’mba “Mweo wami umvwa kilaka.”
^ Mu Kihebelu, “Mubiji wami uji.”
^ Nangwa’mba “Mweo wami uji.”
^ Mu Kihebelu, “uji na mafuta ne kubaya.”
^ Nangwa’mba “Mweo wami wakakachila.”
^ Nangwa’mba “konauna mweo wami; kungipaya.”
^ Nangwa’mba “uketota.”
