Salamo 64:1-10
-
Kuzhikijilwa ku balwanyi bafyama
-
“Lesa ukebasa” (7)
-
Kwi ntangi. Lwimbo wa kwa Davida.
64 Anweba Lesa, umvwai jiwi jami byo mbena kwimusashijila.+
Lamawizhai bumi bwami ku bintu bya mulwanyi bileta moyo.
2 Nzhikijilai ku bintu byafyamika bilanguluka babi,+Ne ku jibumba ja bangubabibi.
3 Banona njimi yabo nobe mpoko;Bashika byambo byabo byatama nobe miketo,
4 Kuba’mba base muntu wabula mambo mu mapunzha mo bafyama;Bamwasa ponkapotu, kwa kubula kuchina.
5 Bakoselatu ku milanguluko* yabo yatama;Besamba pa bya kuta bitewa byabo.
Bamba’mba: “Ñanyi usakwibimona?”+
6 Bakebakeba mashinda akwabo a kubilamo byatama;Mu bufyamfya balanguluka pa mashinda abo a bujimuku;+Bintu byo balanguluka mu michima yabo byakatazha kwibiyuka.
7 Bino Lesa ukebasa;+Kabiji ponkapotu muketo ukebakozha.
8 Njimi yabo ikebalengela kupona;+Aba bonse bakebamona bakapukunyangatu mitwe yabo.
9 Kepo bantu bonse bakoba moyo,Kabiji bakambanga pa bintu byauba Lesa,Kabiji bakayuka mingilo yanji.+
10 Mololoke ukasangalela mwi Yehoba ne kufyama mwi aye;+Bonse baoloka michima bakasangalala.*