Salamo 91:1-16
91 Muntu yense wikala mwafyamika mwa Mwine Wakila+Ukekala mu kimfutele kya wa Bulume Bonse.+
2 Nkambila Yehoba namba: “Mwi kyami kya kufyamamo kabiji mwi nsakwa yami yakosa,+Lesa wami ye naketekela.”+
3 Mambo aye ukakupokolola ku kakose ka wa busonso,Ne ku mwalo wipayañana.
4 Aye ukakuzhika* byapi byanji,Kabiji ukafyama munshi ya byapi byanji.+
Bukishinka bwanji+ bukekala nobe jikebo jikatampe+ kabiji nobe nsakwa yakosa.*
5 Bufuku kechi ukachina bintu bilengesha moyo,+Nangwa miketo ipita mute ne,+
6 Nangwa mwalo wiya mu mfishi,Nangwa lonaiko lwiya pa kushinkamana juba ne.
7 Kiumbi kikaponena ku lubaji lobeNe biumbi jikumi ku kuboko kobe kwa kilujo,Bino kafwako kintu kyatama kikakumwekela ne.+
8 Ukebimona na meso obe,Byo ukashinkwapo pa kukabisha* babi.
9 Mambo waambile’mba: “Yehoba kyo kya kufyamamo kyami,”Waalula Mwine Wakila ke kya kwikalamo kyobe;*+
10 Kafwako kya malwa kikakufikila,+Nangwa kinkunka kikeya kwipi na tente wobe ne.
11 Mambo aye ukakambizha bamalaika+ na mambo a obewa,Kuba’mba bakakulame mu mashinda obe onse.+
12 Bakakusenda mu maboko abo,+Pa kuba’mba ukabule kwikozha kulu kobe ku jibwe.+
13 Ukanyanta pa mwana bokwe ne kishipila;Ukanyantaula bokwe ne muloolo mukatampe.+
14 Lesa waambile’mba: “Na mambo a kuba wantemwa,* nkamupokolola.+
Nkamuzhikijila mambo wayuka jizhina jami.+
15 Aye ukangita, ne amiwa nkamwitaba.+
Nkekala nanji mu kimye kya bya malwa.+
Nkamupokolola ne kumutumbijika.
16 Nkamulengela kwikala moba avula,+Kabiji nkamulengela kumona mingilo yami ya lupulukilo.”*+
Tubyambo twa munshi
^ Nangwa’mba “ukashinka kwa kusolomokela.”
^ Nangwa’mba “kya kwimuzhikijila.”
^ Mu Kihebelu, “bya malwa.”
^ Nangwa, “nsakwa yakosa; mwa kufyama.”
^ Mu Kihebelu, “winunga aye mwine kwi amiwa.”
^ Nangwa’mba “kumona lupulukilo kufuma kwi amiwa.”
