Yoba 12:1-25
12 Kepo Yoba akumbwile’mba:
2 “Kine anweba yenu mwayuka,*Kabiji mukafwilatu pamo na maana enu!
3 Bino ne amiwa nji na milangwe.*
Anweba kechi mwanema kukila amiwa ne.
Ñanyi wabula kuyuka bino bintu?
4 Amiwa naaluka ke wa kwendelekwa ku bakwetu,+Yenka amiwa ngita Lesa kuba’mba ankumbule.+
Muntu waoloka kabiji wabula mambo waaluka ke wa kwendelekwa.
5 Muntu waikala bulongo ulengulula bya malwa,Aye ulanguluka’mba bifikilatu aba babula kukosa.*
6 Matente a tupondo aikalatu mu mutende,+Ne boba bazhingijisha Lesa baikalatu bulongo,+Bonka balama kalesa kabo mu maboko abo.
7 Nangwa byonkabyo, shikishai banyama, ne abo basakwimufunjisha;Ne bañonyi bapitañana mwiulu, ne abo basakwimubuula.
8 Nangwa tajishai* ntanda, ne ayo isakwimufunjisha;Ne masabi a mu kalunga ka mema nao asakwimubuula.
9 Ñanyi mu bino bintu byonse wabula kuyukaAmba kuboko kwa Yehoba ko kwauba kino?
10 Mu kuboko kwanji mo muji bumi bwa bintu byonse byumi*Ne bumi bwa bantu bonse.+
11 Nanchi kutwi kechi kupima byamboByonkatu lujimi* byo atompa kajo nenyi?+
12 Nanchi maana kechi aji na boba bakoma,+Ne milangwe kechi iiya na mambo a kwikala moba avula nenyi?
13 Aye uji na maana ne bulume;+Ufunjisha kabiji uji na milangwe.+
14 Aye inge wakundula kintu, kafwako wakonsha kwikishimika jibiji ne;+Kintu kyo ashinka, kafwako muntu wakonsha kwikishinkula ne.
15 Umvwe wakana kupana mema, bintu byonse byuma;+Inge wiatuma, onauna ntanda.+
16 Aye uji na ngovu ne maana alumbuluka;+Awa uya mungi ne yewa utwala mukwabo mungi bo banji;
17 Aye ulengela bapana maana kwenda maulu panshi,*Kabiji ulengela bamitonyi kwikala bakosama.+
18 Ukasulula minyololo bamfumu yo bakasa bantu,+Kabiji ukasa mishipi mu mbunda yabo.
19 Ulengela bañanga kwenda maulu panshi,+Kabiji ushinda boba baji na bulume;+
20 Ulengela bapana maana bo baketekela kukankalwa kwambaKabiji wangata milangwe ya bakulumpe;
21 Ulengela babinemanga kwibalengulula,+Kabiji ulengela aba bakosa kukooka.*
22 Aye usolola bintu byazhika biji mu mfishi,+Kabiji walula mfishi ikatampe kwikala kyeya;
23 Aye ulengela bisaka bya bantu kukosa pa kuba’mba ebyonaune;Ulengela bisaka bya bantu kubaya pa kuba’mba ebitwale mu buzha.
24 Aye wangata milangwe* ya bantangi ba bantuNe kwibalengela kwikalatu bakapitemo mu biselebwa mwabula jishinda.+
25 Abo bapampanta mu mfishi mwabula kyeya;+Wibalengela kubalangila nobe bantu bapendwa.+
Tubyambo twa munshi
^ Mu Kihebelu, “mwi bantu.”
^ Mu Kihebelu, “muchima.”
^ Nangwa’mba “aba batezhimuka.”
^ Nangwa, “ambilai.”
^ Nangwa’mba “mweo wa byonse byumi.”
^ Mu Kihebelu, “bulaka.”
^ Nangwa’mba “kuvuula byonse.”
^ Mu Kihebelu, “ukasulula mushipi wa bilobo.”
^ Mu Kihebelu, “michima.”