Yoba 30:1-31
30 “Pano babena kunseka+—Bonka banyike pe amiwa,Baji na bashabo bo nakainyeKwibabika pamo na bakabwa basopanga jitanga jami.
2 Bulume bwabo bwajinga na ñanyi nkito kwi amiwa?
Bulume bwabo bwapwile.
3 Banyana na mambo a kukajilwa ne nzala;Basumauna mushiji waumaYenka ye baonauna kala kabiji washalatu masala.
4 Bapa katolo mu bipupu;Mizhazhi ya bipupu ko kajo kabo.
5 Bebapangamo mu bantu;+Bebaweleleka ku bantu byonka byo boba ngivi.
6 Bekala mu tunkololongwa twa bimpachiko,*Mu bimbo biji mu mushiji ne mu mabwe.
7 Bajijila mu bipupuNe kwikundamina mu miba.
8 Byo baji baana ba bantu babula maana kabiji batutu,Bebapanga* mu kyalo.
9 Pano babena kuñendeleka ne mu nyimbo yabo;+Naikala ke muntu ye banenauna.*+
10 Banshikwa ne kwikela kwalepa ne amiwa;+Kechi babanda kunshipila mate mu meso ne.+
11 Na mambo a kuba Lesa wañangata kilwilo kyami* ne kumpelula,Baleka kwikanya* kuba bintu byonse byatama kwi amiwa.
12 Bemana ku kilujo kyami nobe kiombe;Bandengela kunyemaKabiji bashinka mu jishinda jami na bintu bileta lonaiko.
13 Baonauna mashinda ami onseNe kulengela bya malwa byami kuvujilako,+Kwa kubula muntu nangwa umo wa kwibakanya.*
14 Beya nobe babena kupichila palajikila nsakwa;Bamvundumukila mu kimye kya bya malwa.
15 Moyo wankwata;Buneme bwami bwafuma pe amiwa nobe mwela,Ne lupulukilo lwami lwazhimañanatu nobe jikumbi.
16 Pano bumi* bwami bubena kunyongatu;+Moba a lumanamo+ amfikila.
17 Bikupa* byami bikola bingi bufuku;+Misongo ikokota nayo kechi ileka ne.+
18 Bulume bukatampe bwaonauna kivwalo kyami;*Kibena kumfina nobe ntenenshi ya kivwalo kyami.
19 Lesa wantaya mu mateshi;Naaluka nobe lukungu ne buto.
20 Nemwita namba munkwashe, bino kechi mungitaba ne;+Umvwe naimana, muntalatu.
21 Mwaaluka ke washinta kwi amiwa;+Mwankozha na bulume bonse bwa kuboko kwenu.
22 Mwanshikula ne kunsenda na mwela;Ne kundelaula na kinkunkwila.*
23 Mambo nayukishatu bulongo namba mukantwala ku lufu,Ku nzubo kukasambakena bantu bonse bakiji na bumi.
24 Bino kafwako muntu nangwa umo wakonsha kupuma muntu* wachimuka+Byo abena kwita amba bamukwashe mu kimye kyanji kya bya malwa ne.
25 Nanchi kechi nebajijiileko aba bajinga na makatazho mu bwikalo bwabo nenyi?
Nanchi amiwa* kechi namubijileko lusa muyanji nenyi?+
26 Nangwa kya kuba naketekejilenga bintu byawama, bintu byatama byo byaishile;Naketekejilenga kyeya, bino kwaishile mfishi.
27 Muchima wami kechi walekele kunkatazha ne;Moba a lumanamo amfikijile.
28 Ñendatu na bulanda;+ kafwako kyeya.
Ñimana mu jibumba ja bantu na kukeba bukwasho.
29 Naaluka ke mulongo wa balubwalaNe baana ba osetelechi bo balunda nami.+
30 Kikoba kyami kyafiita kabiji kibena kubuluka;+Bikupa byami bibena kupya na kyuya.*
31 Kyansa kyami bekingijishatu kwimbilako nyimbo ya majila,Ne mumpempe* wami bamwingijisha kwimbilamo nyimbo ya majila.
Tubyambo twa munshi
^ Nangwa’mba “tukola.”
^ Mu Kihebelu, “bebapumine ne kwibafumya.”
^ Mu Kihebelu, “belela kishimpi; kyambotu.”
^ Mu Kihebelu, “wavwelesha buta bwami bwa mukanda.”
^ Nangwa’mba “Bela kishimpi pe amiwa.”
^ Nangwa, “Babula wa kwibakwasha.”
^ Nangwa’mba “mweo.”
^ Mu Kihebelu, “Bikupa byami bebisabaula.”
^ Nangwa, “Kumanama kwami kwantamisha.”
^ Nangwa, “Ne kuñonauna na kinkunkwila kikatampe.”
^ Mu Kihebelu, “mulumba wa bintu byaonaika.”
^ Nangwa’mba “mweo wami.”
^ Nangwa, “mashika.”
^ Nangwa’mba “mupaipi.”