Yoela 1:1-20
1 Bino byo byambo bya Yehoba byaishile kwi Yoela* mwana wa kwa Petwele amba:
2 “Umvwai kino, anweba bakulumpe,Ne anweba bangikazhi bonse ba mu kyalo* teshaiko muchima.
Nanchi kintu kya uno mutundu kyakimwekapo kala mu moba enuNangwa mu moba a bashakulu benu nyi?+
3 Mwikyambe ku baana benu,Ne baana benu nabo bakabuuleko baana babo,Ne baana babo bakabuuleko kisemi kikalondelapo.
4 Bintu byashilepo nzhiye yonauna, bebijiile ku nzhiye yenda kisamba;+Kabiji bintu byashilepo nzhiye yenda kisamba, bebijiile ku nzhiye yabula byapi;Kabiji bintu byashilepo nzhiye yabula byapi, bebijiile ku nzhiye iji na nzala ikatampe.+
5 Anweba babitomi buukai,+ mujile!
Jilai mabingo, anweba bonse mutoma binyu,Mambo binyu byatobala bebyangata mu tunwa twenu.+
6 Mambo kisaka kya bantu kyaiya mu kyalo kyami, kyakosa kabiji kya kukankalwa kubala.+
Meno akyo o meno a bokwe,+ ne mibanga yakyo yo mibanga ya bokwe.
7 Kyaonauna muñanzañanza wami ne kwalula kichi kyami kya mukuyu ke kishiki,Ne kwibipobolatu byonse ne kwibitaya kunsa,Ne kusha misampi yabyo saka yatoka.
8 Jilai mabingo byonkatu kisungu* winyinga kisapi kya majila byo ajilaMusongoshi* wa mu bunsongwakazhi bwanji.
9 Mulambo wa kajo+ ne mulambo wa binyu+ wapwamo mu nzubo ya Yehoba;Bañanga, bonka ba mingilo ba Yehoba, babena kujila.
10 Bujimi bebonauna, mushiji ubena kujila;+Mambo kajo bekonauna, binyu bya katataka byapwa, manyi nao apwa.+
11 Banjimi baji na bulanda, bawamisha mañanzañanza babena kujila mabingo,Na mambo a wichi ne mbaale;Mambo bintu bya kunowa mu bujimi byaonaika.
12 Muñanzañanza wauma,Kichi kya mukuyu kyaleela.
Kichi kya mapomegulanchi, kisonga ne kichi kya maepo,Bichi byonse bya mu bujimi byauma;+Mambo lusekelo lwaaluka ke bumvu mu bantu.
13 Anweba bañanga, inyingai* bisapi bya majila ne kujila;*Anweba ba mingilo ba ku kya kusokelapo bitapisho jilai mabingo.+
Twelai ne kukisha bufuku saka mwinyinga bisapi bya majila, anweba ba mingilo ba Lesa wami;Mambo mulambo wa kajo+ ne mulambo wa binyu+ bamulekesha ku nzubo ya Lesa wenu.
14 Tayai mbila* ya kuzhikilwa na nzala; itai bantu kwiya ku kubuñana kwazhila.+
Konkanyai pamo bakulumpe, pamo na bangikazhi bonse ba mu kyalo,Ku nzubo ya Yehoba Lesa wenu,+ ne kujijila Yehoba amba emukwashe.
15 Mama twafwa! na mambo a joja juba.
Mambo juba ja Yehoba jijitu pepi,+Kabiji jikeya nobe lonaiko lwafuma ku wa Bulume Bonse!
16 Nanchi kajo kechi bekangata saka tumonako na meso etu nenyi?Kusangalala ne lusekelo kechi bebifumyamo mu nzubo ya Lesa wetu nenyi?
17 Nkunwa* yabo yaumina munshi ya mafosholo abo.
Matala aonaika.
Byo balaminamo kajo bebikundaula, mambo kajo kaonaika.
18 Nangwatu bilelwa bibena kubinza!
Bipanyi bya bañombe bibena kupitañanatu, mambo munyemvu bifwaye!
Kabiji matanga a mikooko abena kumanama.
19 Anweba Yehoba, yenu nketa;+Mambo mujilo wasoka nsono ya mungye mujiila banyama,Kabiji lubebe lwasoka bichi byonse bya mungye.
20 Nangwatu banyama ba mungye babena kwimutonga,Mambo tukola twa mema twaumaNe mujilo wasoka nsono ya mungye mujiila banyama.”
Tubyambo twa munshi
^ Kulumbulula’mba “Yehoba ye Lesa.”
^ Nangwa’mba “ntanda.”
^ Nangwa’mba “nsongwakazhi.”
^ Nangwa’mba “Mwatawanji.”
^ Mu Kihebelu, “ikasai.”
^ Nangwa’mba “kupuma pa byaji byenu.”
^ Mu Kihebelu, “Zhijikai kuzhikilwa na nzala.”
^ Nangwa, “makuyu auma.”