9:62

Muntu ubena kujima na pulao pa kuba’mba alenge milaala yaoloka, kechi wafwainwa kutalanga ku bintu biji kunyuma ne. Kyo kimotu, bena Kilishitu nabo kechi bafwainwa kulabikwa na bintu bya mu ino ntanda byo basankilapo kala ne.—Fp 3:13.

Inge twaikala na makatazho, javula tutendeka kutonga moba a kala, kampe moba o twabujile mu bukine. Javula tulangulukatu pa bintu byawama byamwekele, kechi pa makatazho o twapichilemo ne. Abino byo byaubile ne bena Isalela byo bafumine mu Ijipita. (Ba 11:5, 6) Inge twatwajijila na ino milanguluko, twakonsha kubwela ku bintu byo twasankijilepo kala. Twafwainwa kulangulukanga pa mapesho o tubena kutambwila pa kino kimye. Kabiji twafwainwa ne kuta muchima pa mapesho aji kulutwe akaleta Bufumu bwa Lesa.—2Ko 4:16-18.