TAIKO MUCHIMA KU MWINGILO WA KUSAPWILA
Kuwamishako Busendwe Bwetu Bwa Kusapwila—Nengezhai Jishinda Jenu ja Kwisambilamo pa Kusha Magazini
ENE MAMBO O KWANEMENA: Nangwa kya kuba mu kabuku ka kupwila muji mashinda a kwisambilamo na bantu o twakonsha kulondela, bino ke a kwitukwashakotu kuyuka mwakwambila. Mwafwainwa kwamba byambo byenu. Kampe mwakonsha kusala jishinda jikwabo ja kwisambilamo na bantu nangwa kusala mutwe mukwabo wakonsha kutemwa bantu ba mu nyaunda yenu. Inge mwapwisha kutanga magazini, kulanguluka pa mashinda a kwisambilamo na bantu ne kutamba vidyo muji bimwesho, mwakonsha kulondela byo baamba panshi pa kunengezha jishinda jenu ja kwisambilamo.
BYA KUBA:
Ishikishai amba, ‘Nanchi mbena kukeba kulondela jino jishinda ja kwisambilamo na bantu nyi?’
EE
-
Nengezhai byambo bya kutendekelako. Pa kupwisha kwiimuna, ambai kyo mwaendela. (Kampe mwakonsha kwamba amba: “Kyo naendela ke . . . ”)
-
Langulukai pa byo musa kwipuzha bwipuzho, kutanga kinembelo ne kupana kyo mubena kumushila. (Kyakumwenako: Saka mukyangye kutanga kinembelo, mwakonsha kwamba amba, “Tusakutana mukumbu wa buno bwipuzho papo.”)
INE
-
Salaipo mutwe umo mu magazini ye mwatemwa kabiji watemwa bantu ba mu nyaunda yenu
-
Langulukaipo bwipuzho bumo bwa kushikisha mwina nzubo busa kulengela kutendeka mwisambo kabiji busa kubula kumulengela kukankazhama kukumbula. (Nabiji mepuzho aji pa jipa 2 mu magazini.)
-
Salai kinembelo kya kutanga. (Inge mubena kusha Labainga! mwakonsha kutanga kinembelo nangwa ne, mambo uno magazini bamunengezhezha boba babula kuyukisha Baibolo ne babula kuketekela mu bupopweshi.)
-
Nembai mukuku umo nangwa ibiji yalumbulula mwina nzubo byo akamwenamo inge watanga yewo mutwe
NANGWA
-
Nengezhai bwipuzho bwa kukeya na kukumbula inge mwabwelako
-
Nembaiko byambo bimo pa kuba’mba bikemukwashe kuvuluka bya kwamba kimye kyo mukabwelako
