Buloshuwa wa kuba’mba Bañanyi Babena Kuba Kyaswa Muchima wa Yehoba Lelo Jino? bamunembela kumwingijisha pa kufunjisha bantu bo tufunjisha Baibolo pa kutendeka nangwa pa kupwisha lufunjisho. * Lufunjisho 1 kufika ku 4 lukwasha bo tufunjisha Baibolo kwituyuka byo tuji, lufunjisho 5 kufika ku 14 lukwasha bo tufunjisha kuyuka mingilo yo tuba, kabiji lufunjisho 15 kufika ku 28 lwibakwasha kuyuka jibumba jetu byo jiji. Kyawama kwialondela monka mo alondakena, kanatu inge muntu mwine wakeba kutendekelapo lufunjisho lo atemwa. Lufunjisho lumo lujitu pa jipa jimo kabiji mwakonsha kufunda na muntu mu maminiti atanu kufika ku jikumi.

• Tai muchima pa bwipuzho bwanembwa peulu ya lufunjisho

• Tangilai pamo lufunjisho, mwakonsha kutanga mafuka onse nangwa mu bipungu

• Isambai pa byo mwatanga. Ingijishai mepuzho aji panshi ya jipa pamo na bipikichala. Tangai ne kwisamba pa binembelo kwesakana na mo mwakebela anweba bene. Mumweshai kuba’mba tubyambo tuji mu bifiita twakumbula bwipuzho buji peulu

• Inge paji kakitenguluzha ka kuba’mba “Yukilaipo Bishinka Bikwabo,” tangilai pamo ne kutundaika ye mufunjisha kulondela kino kishinka