Buloshuwa wa kuba’mba Umvwainga Byamba Lesa bamunembejile kufunjisha bukine bwa mu Baibolo bantu babula kuyukisha kutanga kwingijisha bipikichala. Mu lufunjisho lonse muji bipikichala byamwesha mo byalondakena pa kwisambapo.

Buloshuwa wa Umvwainga Byamba Lesa Mukekale Myaka muji bipikichala byonka biji ne mu buloshuwa wa Umvwainga Byamba Lesa, bino muji byambo byavula kabiji mwakonsha kwibingijisha pa kufunjisha muntu wayukako kutanga. Javula, basapwishi batemwa kwingijisha uno buloshuwa pa kufunjisha, bino ye babena kufunjisha saka abena kwingijisha Umvwainga Byamba Lesa. Pa mapa avula paji kakitenguluzha muji byambo bikwabo byo mwakonsha kwisambapo kwesakana na biji ye mubena kufunjisha.

Mwakonsha kusha ano mabuloshuwa kimye kijitu kyonse, nangwa kya kuba kechi o mubena kusha mu yewo ñondo ne. Inge mubena kufunjisha muntu Baibolo, ingijishainga bipikichala pa kulumbulula bulongo jishimikila ja mu Baibolo. Shikishainga mepuzho ye mubena kufunjisha ne kumukwasha kumvwisha. Tangai ne kwisamba pa binembelo biji kunshi ya mapa. Inge mwapwisha kumufunjisha mu uno buloshuwa, tendekai kufunda mu buku wa Nanchi Baibolo Waamba’mba Ka? pa kuba’mba mukwashe ye mufunjisha kufika ku lubatizhilo.