Yelemiya bamupele mwingilo wa kujimunako Bayudea pa lonaiko lwaishilenga mambo bavulamine Lesa wabo, aye Yehoba. (Ye 13:25) Ñanyi bintu byalengejile kino kisaka kuvulama Yehoba? Bisemi bya bena Isalela balekele kuta muchima kwi Lesa wabo. Mitwe ya bisemi kechi yalondelanga bibakambizhe Yehoba mu Mpitulukilo ya mu Mizhilo 6:5-7.

Lelo jino, mu bipwilo muji bisemi byata muchima kwi Lesa, bikosesha bingi bipwilo. Mitwe ya bisemi yakonsha kukwasha bisemi byabo kuvulukanga Yehoba inge ke bikale na Kupopwela kwa Kisemi kimye kyonse. (Sl 22:27) Panyuma ya kutamba vidyo wa kuba’mba “These Words . . . Must Be on Your Heart”—Family Interviews, kumbulai ano mepuzho:

• Bisemi bimo bishinda byepi makatazho eya na mambo a kupopwela kwa kisemi?

• Ñanyi bintu byawama bifuma mu kwikala na mutanchi wa Kupopwela kwa Kisemi kimye kyonse?

• Ñanyi makatazho o ngikala na o pa kupopwela kwa kisemi, kabiji nakonsha kuba byepi pa kuba’mba neapwishe?