BYAFWAINWA KWIKALA BENA KILISHITU
Kuwamishako Busendwe Bwetu bwa Kusapwila—Kukwasha Bantu bo Tufunjisha Baibolo bya Kunengezha
ENE MAMBO O KWANEMENA: Bantu bo tufunjisha Baibolo inge saka banengezhezha jimo, kikebakwasha kumvwisha ne kuvulukanga bintu byo tubena kwibafunjisha. Inge saka bomvwisha ne kuvuluka byo babena kufunda, kikebalengela kukosesha bulunda bwabo ne Lesa. Nangwatu inge babatizhiwa, bakatwajijila kunengezhanga kupwila ne bya kufunjisha bantu mu mwingilo pa kuba’mba batwajijile ‘kulabanga ne kukenkenta.’ (Mat 25:13) Onkao mambo, kuyuka bya kufunda ne kwikala na mutanchi wa kufundanga Baibolo kimye kyonse kukebakwasha bingi mu bwikalo bwabo. Aku tutendekatu kufunjisha muntu Baibolo, twafwainwa kumubuula bya kunengezhanga.
BYA KUBA:
-
Mwafwainwa kubanga byo mubena kwibabuula. (Lo 2:21) Twafwainwa kunengezhezha jimo saka tubena kulanguluka pa muntu ye tubena kuya na kufunjisha. (km 11/15 3) Ye mufunjisha wafwainwa kumona’mba mwashabula pa mikumbu mu buku wenu
-
Mutundaikainga kunengezha. Aku mutendekatu kufunjisha muntu Baibolo, mubuulai’mba kunengezha byo asakufunda kwanema bingi kabiji mulumbulwilai bintu byawama byo akamwenamo. Mubuulaiko mashinda amo awama akonsha kumukwasha kwikalangako na kimye kya kunengezha. Basapwishi bamo bapa ye bafunjisha buku wabo mo bashabula mikumbu kimye kyo babena kufunda nanji, pa kuba’mba bamukwashe kuyuka ene mambo o kyawamina kunengezhezha jimo. Inge wanengezha, musanchilai
-
Mumweshai bya kunengezha. Kimyetu kitanshi, basapwishi bamo banengezhezha pamo kitango kyonse na muntu ye bafunjisha Baibolo pa kuba’mba ayuke bya kunengezha