25:1-12

Nangwa kya kuba kishimpi kya bakamwale jikumi kyaingijishe Yesu kyaambilenga pa baana banji ba bwanga bashingwa, bino bena Kilishitu bonse bakonsha kufunjilako. (w15 3/15 ma. 12-16) “Onkao mambo, labainga ne kukenkenta, mambo kechi mwayuka juba nangwa kimye ne.” (Mat 25:13) Nanchi mwakonsha kulumbulula kishimpi kya kwa Yesu nyi?

• Musongoshi (kyepelo 1)—Yesu

• Bakamwale ba maana benengezhezhe (kyepelo 2)—Ke bena Kilishitu bashingwa benengezha kwingila mwingilo wabo mu bukishinka kabiji babena kusama nobe kyeya kufikatu ne ku mpelo (Fp 2:15)

• Babena kubijika’mba: “Musongoshi waiya!” (kyepelo 6)—Kwimenako kwikalapo kwa kwa Yesu

• Bakamwale babula maana (kyepelo 8)—Ke bena Kilishitu bashingwa babena kuya na kutundaila Musongoshi, pano bino kechi batwajijila kulaba ne kukenkenta ne, kabiji bakankalwa kwikala bakishinka

• Bakamwale ba maana bakana kwabana manyi abo (kyepelo 9)—Inge batambula katetesho, bena Kilishitu bashingwa kechi bakakwasha babula kwikala bakishinka ne, mambo kimye kikapwa

• “Musongoshi wafikile” (kyepelo 10)—Yesu ukeya na kuzhachisha bantu ku mpelo ya malwa akatampe

• Bakamwale ba maana batwelele pamo na musongoshi kabiji bashinkile ne kinzhilo (kyepelo 10)—Yesu ukakonkanya pamo bashingwa banji bakishinka mwiulu, pakuba babula bukishinka kechi bakayamo ne