May 20-26
SALAMO 40-41
Lwimbo 102 ne Lulombelo | Byambo bya Kushinkwila (Mini. 1)
1. Mambo ka o Twafwainwa Kukwashishanga Bakwetu?
(Mamini. 10)
Kukwasha bakwetu kwituletela lusekelo (Sl 41:1; w18.08 22 mafu. 16-18)
Yehoba ukwasha bantu bakwasha bakwabo (Sl 41:2-4; w15 12/15 24 jifu. 7)
Inge ke tukwashe bakwetu tupana munema kwi Yehoba (Sl 41:13; Man 14:31; w17.09 12 jifu. 17)
IIPUZHAI’MBA, ‘Nanchi mu kipwilo kyetu mujipo babena kukeba bukwasho pa bya kwingijisha JW Library nyi?’
2. Bishinka Bikwabo Byanema
(Mamini. 10)
-
Sl 40:5-10—Lulombelo lwalombele Davida lwitukwasha byepi kuyuka bilumbulula Bumfumu bwa Yehoba? (it-2 16)
-
Ñanyi bishinka byo mwafunjile mu kutanga Baibolo kwa uno mulungu byo mukeba kwambapo?
3. Kutanga Baibolo
(Mamini. 4) Sl 40:1-17 (th lufunjisho 12)
4. Bya Kutendeka Mwisambo
(Mamini. 3) BUSAPWISHI BWA KUSHUKILWA. Tendekai mwisambo na muntu wamwesha lusekelo. (lmd lufunjisho 2 kishinka 3)
5. Bya Kutendeka Mwisambo
(Mamini. 4) BUSAPWISHI BWA KUSHUKILWA. Tendekai mwisambo na muntu uji na bulanda. (lmd lufunjisho 3 kishinka 5)
6. Kufunjisha Bantu Kwikala Baana ba Bwanga
(Mamini. 5) lff lufunjisho 14 kishinka 6. Isambai na ye mufunjisha Baibolo ukankazhama kukumbulapo pa kupwila, mu kipungu kya kuba’mba “Kebai Bishinka Bikwabo” pa mutwe wa kuba’mba “Totainga Yehoba mu Kipwilo.” (th lufunjisho 19)
Lwimbo 138
7. Kwashainga Bena Kilishitu Bakoma mu Kipwilo
(Mamini. 15) Mwisambo.
Yehoba wanemeka bingi mingilo yonse ingila bakikulumpe mu kipwilo, ne atweba twafwainwa kwibanemeka. (Heb 6:10) Pa myaka yavula baingila mingilo ya kutundaika ne kukwasha balongo ne banyenga. Kampe mwakonsha kuvulukapo kimye kimo kyo bemukwashishe. Mwakonsha kumwesha byepi amba musanta pa mingilo yo baingila ne byo batwajijila na kukwasha kipwilo?
Tambishai VIDYO wa kuba’mba ‘Kwashainga Balongo ne Banyenga mu Kipwilo.’ Apa bino mwipuzhe luonde amba:
-
Ba Ji-Hoon bafunjijileko ka ku Mulongo Ho-jin Kang?
-
Nanyi bintu byo mwanemeka bingi pa bakikulunpe baji mu kipwilo kyenu?
-
Twakonsha kufunjilako ka ku kishimpi kya mwina Samaliya wawama?
-
Mambo ka o kyawamijile Mulongo Ji-Hoon kwambila bakwabo kumukwashako kukwasha Mulongo Ho-jin Kang?
Inge twalanguluka pa bibena kupitamo balongo ne banyenga bakoma mu kipwilo, tukamonapo mashinda o twakonsha kwiba kwashishamo. Inge mwamona kuba’mba babena kukeba bukwasho, monaipo mashinda a kwiba kwashishamo.—Ya 2:15, 16.
Tangai Ngalatiya 6:10. Apa bino mwipuzhe luonde amba:
-
Mu ñanyi mashinda mo mwakonsha ‘kubila byawama’ balongo ne banyenga bakoma mu kipwilo?
8. Lufunjisho lwa Baibolo lwa Kipwilo
(Mamini. 30) bt kita. 10 mafu. 1-4, kakitenguluzha pa ji. 79
