KAKITENGULUZHA MWALUMBULULWA BISHINKA 7B
Byambo Bitanwamo Javula mu Buku wa Ezikyo
“Mwana Muntu”
BITANWAMO KUKILA PA BIMYE 90
Ezikyo bamutongola kuba’mba “mwana muntu” kukila pa bimye 90. (Ezi. 2:1) Yehoba waingijishanga bino byambo kuvululamo Ezikyo kuba’mba nangwa wamupa mwingilo wanema bingi, wajingatu pamo na bantu bonse. Mu Mambo Awama, Yesu naye bamutongola’mba, “Mwana muntu” kukila pa bimye 80, kumwesha kuba’mba naye wajinga muntu, kechi malaika waalukile ke muntu ne.—Mat. 8:20.
“. . . Mukayuka’mba Amiwa Yami Yehoba”
BITANWAMO KUKILA PA BIMYE 50
Ezikyo wanembele byambo bya kuba’mba bantu ‘bakayuka’mba amiwa yami Yehoba,’ kukila pa bimye 50. Abino byambo, Lesa wibyambanga ku bantu kumwesha kuba’mba Yehoba ye Lesa ye twafwainwa kupopwelangatu kwapwa.—Ezi. 6:7.
“Nkambo Mfumu Yehoba”
BITANWAMO BIMYE 217
Byambo bya kuba’mba “Nkambo Mfumu Yehoba” bitanwamo bimye 217. Bino byambo bimwesha kuba’mba jizhina ja Lesa janema bingi, kabiji bilengwa byonse byafwainwa kutumbijikanga Yehoba.—Ezi. 2:4.
