Biji mu Kipungu 1
Baibolo watendeka na byambo byalumbulula Yehoba byo alengele bya mwiulu ne bya pano pa ntanda. Inge mwi bansemi kwashai mwanenu ayuke bilengwa byakukumya byapusana pusana. Mulumbulwilai ayuke Yehoba byo alengele bantu ne kibalengela kwikala na maana kukila banyama. Maana ebalengela kwamba, kulanguluka, kulenga bintu, kwimba ne kulomba kwi Lesa. Mulumbulwilai ayuke bilengwa byo bisolola, maana ne byo atemwa bilengwa byanji byonse, kubikapotu ne atweba bantu.
BIJI MU KINO KIPUNGU
Lesa Walengele Jiulu ne Ntanda
Baibolo waamba’mba Lesa walengele jiulu ne ntanda. Nanchi wamuyuka malaika mutanshi ye alengele saka akyangye kulenga bintu byonse nyi?
Lesa Walengele Mwanamulume ne Mwanamukazhi Mutanshi
Lesa walengele mwanamulume ne mwanamukazhi mutanshi ne kwibabika mu bujimi bwa Edena. Bafwainwe kwikala na kisemi ne kulenga ntanda kwikala paladisa.
