KYAMBO kya Honduras kilumbulula mu Kisipanishi amba “Kuzhika,” kyo kyambo Christopher Columbus kyo aingijishe pa kulumbulula mema aji ku kitulu kya Kalunga ka Atlantic. Bamo bamba’mba ko kwafumine jino jizhina ja kyalo kya Honduras.

Bena Honduras banemeka bingi bukishinka mu kisemi ne lumvwañano. Pa kufuukula kuba bintu byanema mu bwikalo, nabiji bya kwingijisha mali nangwa bya kufunjisha baana, javula bonse babiji bamulume ne mukazhi bomvwañana.

Bena Honduras bavula bashakulu babo bajinga bena Europe besongwelenga na bena America. Mutundu wa bantu bene bena kino kyalo ke ba Chortí. Bakwabo ke ba Garifuna, bano nabo kuji ko bafumine.

Ba Garifuna bajinga baana ba bena Africa ne bena India baikalanga pa jikuji ja St. Vincent. Nobe mu  mwaka wa 1797, bena Garifuna bafikile pa makuji a Bay. Mu kuya kwa kimye baikele ku kitulu kya Kalunga ka Caribbean ku Central America. Kufuma kuno, bano ba Garifuna bapalañejile mu mapunzha onse a mu Central ne North America.

Ba Garifuna batemwa kwimba maoma ne kuzha. Bisho byabo byavwangamo kuvwala bivwalo biji na misombelo yakema, kushimikizha bishimi ne kuja kajo nabiji ko batela’mba eraba (shinkwa watobala ye balenga na bunga bwa makamba).

Mu kyalo kya Honduras muji bipwilo bya Bakamonyi ba kwa Yehoba 400. Kupwila kwikalako mu mulaka wa Garifuna, Kisipanishi, Kizungu, Mandarin Chinese, Miskito ne Mulaka wa Kwamba na Maboko wa bena Honduras.