BIBENA KUMWEKA MU NTANDA| KISEMI
Kwamba pa Bibena Kumweka mu Bisemi
Bisemi ano moba bibena kupita mu makatazho avula bingi, pano bino, maana aji mu Baibolo akonsha kwibakwasha kushinda ano makatazho ne kwikala bulongo.
Africa
Kipamo kya ntanda yonse kitala pa bumi bwa bantu kyashimwine’mba bainetu bafwainwa kwamishanga baana babo aku basemwatu kabiji bafwainwa kutwajijila na kwibamisha pa bañondo batanu na umo. Nangwa kya kuba baambile bino, kipamo kya UNICEF Regional Nutrition Adviser for Eastern and Southern Africa kyashimwine’mba bantu batwajijila na kutentemesha bya bubela kuba’mba “mukaka wa kupota ujitu pamo na mabele.”
BYAMBA BAIBOLO: “Muntu wabula kuyuka bintu ye kitabilambijinga, bino muntu wajimuka ulangulukishapo pa bintu byo oba.”—Byambo bya Maana 14:15.
Canada
Bakebakeba bishinka mu muzhi wa Montreal bataana kuba’mba baana baji na bansemi balenga mizhilo yakatazha pa nzubo bakolwa bikola bya kukizhamo kubaya, pakuba aba baji na bansemi bafunjisha baana mu jishinda ja butemwe kechi bekala na luno lukatazho ne.
NANCHI MWAYUKA NYI? Jishinda jawama kufunjishishamo baana bejilumbulwile kala mu Baibolo.—Kolose 3:21.
Netherlands
Bishinka byo bataana pa bisemi bya mu Netherlands bimwesha kuba’mba baana baji na bansemi babula kuvwanga nkito ne mingilo ya kisemi bekala bingi na kimye kya kwikala pamo na baana babo kukila boba bansemi bengila nkito ibalengela kubula kwikala na kimye kya kwingila mingilo ya mu kisemi. Kwingila nkito saka baji pa nzubo kimye kyo bakotoka ku nkito, nabiji kutuma mafoni na kwisamba bya nkito kwakonsha kulengela bansemi kukankalwa kwikala na kimye kya kwisamba na baana babo.
KYA KULANGULUKAPO: “Bintu byonse biji na kimye kyabyo [kyafwainwa].”—Musapwishi 3:1.
Mwakonsha Kutemwa
MABUKU NE MABULOSHUWA
Ikalai Balusekelo mu Kisemi Kyenu
Mwakonsha kwikala balusekelo mu masongola ne mu kisemi kyenu umvwe mwalondela mafunde aji mu Baibolo.
