Nanchi Baibolo Waamba’mba Ka?
Nanchi Baibolo wakonsha kwimukwasha kuyuka bya kuba na bijikila nyi?
Mwakonsha kukumbula amba ka?
Ee
Ine
Kampe
Byamba Baibolo
“Saka mutaya bijikila byenu pe [Lesa], mambo wimuta muchima.” (1 Petelo 5:7) Baibolo waamba’mba Lesa wakonsha kwimukwasha kuchinchika na bijikila byo muji nabyo.
Ñanyi bintu bikwabo byo tufunda mu Baibolo?
Inge ke mulombe, mukekala na “mutende wa Lesa” ukemulengela kukepeshako bijikila.—Filipai 4:6, 7.
Kabiji kutanga Mambo a Lesa kukemukwasha kuyuka bya kuba na bijikila.—Mateo 11:28-30.
Nanchi bijikila bikapwa nyi?
Bantu bamo baitabila kuba’mba. . . bijikila kechi byakonsha kupwa ku bantu ne, bakwabo baitabila’mba bijikila byakonsha kupwatu inge muntu wafwa ne kubuukila mu kintu kikwabo. Mwalangulukapo amba ka?
Byamba Baibolo
Lesa ukafumyapo bintu bilengela bijikila. “Lufu, mabingo, kujila ne misongo kechi bikekalako jibiji ne.”—Lumwekesho 21:4.
Ñanyi bintu bikwabo byo tufunda mu Baibolo?
Mu bufumu bwa Lesa, bantu bakekalanga mu mutende ne ku matwi nzoo.—Isaya 32:18.
Kafwako muntu ukekalanga na bijikila ne.—Isaya 65:17.
