KYAMBA KYA USOPA—KYA KUFUNDAMO Mankumbinkumbi 2019
Mu kino kyamba muji mitwe ya kufunda kutendeka pa 2 kufika pa 29 September, 2019
Inengezhezhai Jimo Kumanyikwa
Mwafwainwa kuba byepi pa kuba’mba muchinchike inge balwanyi benu bemushikwa?
Twajijilai Kupopwela Yehoba Inge Mwingilo Wetu Bamukanya
Twafwainwa kuba byepi inge kafulumende witukanya kupopwela Yehoba?
“Yainga na Kufunjisha Bantu . . . Kwikala ke Baana . . . ba Bwanga”
Mambo ka mwingilo wa kufunjisha bantu kwikala baana ba bwanga o anemena, kabiji ñanyi bintu byakonsha kwitukwasha kwingila bulongo uno mwingilo?
Mwakonsha Kufika pa Muchima Bantu Balengulula bya Bupopweshi
Twakonsha kukwasha byepi bantu balengulula bya bupopweshi kutemwa Lesa ne kwikala baana ba bwanga ba kwa Kilishitu?
JISHIMIKILA JA BWIKALO
Yehoba Wampele Byavula Kukila pa byo Naketekejilenga
Byapichilemo ba Manfred Tonak mu mwingilo wabo wa bumishonale mu Africa bibakwashishe kwikala batekanya, kutondwa na bintu byo baji nabyo, ne byubilo bikwabo byawama.
Nanchi Kine Yesu Wamfwijile Nyi
Nanchi mulanguluka’mba kechi mwanema nenyi? Ki ka kyakonsha kwitukwasha kushinda ino milanguluko?
