Tangai Mitonyi 11:30-40 pa kuba’mba mufunjileko byavula ku jishimikila ja kwa Yefita ne mwananji wamukazhi pa ene mambo o kyanemena kufikizha byo mulaya.

Langulukai pa kintu kyo babena kwambapo. Bena Isalela ba kishinka bamonanga byepi kufikizha bintu byo bachipanga kwi Yehoba? (Bala. 30:2) Yefita ne mwananji wamukazhi bamwesheshe byepi amba bajinga na lwitabilo mwi Yehoba?​—Mito. 11:9-11, 19-24, 36

Kebelaipo bishinka bikwabo. Ñanyi bintu byalangulukilenga Yefita byo achipile luchipo kwi Yehoba? (w16.04 7 Jifu. 12) Ñanyi bintu byasankijilepo Yefita ne mwananji wamukazhi pa kuba’mba bafikizhe luchipo lwanji? (w16.04 7-8 mafu. 14-16) Ñanyi bintu bimo byakonsha kuchipa bena Kilishitu lelo jino?​—w17.04 5-8 mafu. 10-19.

Langulukai pa byo mwafunjilako. Iipuzhai’mba:

• ‘Ñanyi kintu kyafwainwa kunkwasha kufikizha luchipo lwami lwa kwipana?’ (w20.03 13 jifu. 20)

• ‘Ñanyi bintu byo nafwainwa kusankilapo pa kuba’mba ñingijileko Yehoba pakatampe?’

• ‘Ñanyi bintu byafwainwa kunkwasha kufikizha luchipo lwami lwa kwikala wa kishinka ku mwinakwami?’ (Mat. 19:5, 6; Efi. 5:28-33)