KYAMBA KYA USOPA—KYA KUFUNDAMO Nkubomukata 2020
Mu kino kyamba muji mitwe ya kufunda kutendeka pa April 6–May 3, 2020.
Shetu aye Yehoba, Witutemwa Bingi
Twakonsha kushiinwa kuba’mba Shetu wa mwiulu witutemwa, witukwasha, kabiji kechi uketulekelela ne.
Twamutemwa Bingi Shetu aye Yehoba
Monai bintu bimo byo twakonsha kuba pa kuba’mba tumweshe byo twatemwa Shetu wituta muchima aye Yehoba.
Shindai Kichima Kupichila mu Kuba Bintu Bileta Mutende
Bimye bimo twakonsha kwikala na milanguluko ya kichima. Monai mashinda o mwakonsha kwingijisha pa kuba’mba mushinde muteeto watama wa kichima ne kwikala mu mutende na bakwenu.
Swishai Yehoba Kwimukwasha Kwikala na Lusekelo
Hana, mutumwa Paulo, ne Mfumu Davida bajinga na bikila. Tufunjilako ka ku jishinda Yehoba jo ebasangajikijilemo ne kwibatekenesha
JISHIMIKILA JA BWIKALO
Kufunjilako ku Bantu Bajinga na Byubilo Byawama Kwandetejile Mapesho
Ba Léonce Crépeault bashimikizha bantu bajinga na byubilo byawama byo bebakwashishe kushinda moyo ne kumwenamo bintu byawama mu mwingilo wa kimye kyonse ye baingila pa myaka 58.
Nanchi Mwayuka Nyi?
Bya kupoyapoya bya kala byasolola byepi kifulo kyajingapo Beleshaza mu Babilona?
