Balongo ne banyenga bavula bengijisha bibaaba byo biji pa keyala wetu mu busapwishi. Kyapeela bingi kutuma bino bibaaba ku bantu kwingijisha kiñambañamba. Kabiji byaamba ne pa bintu bibena kumweka bibena kufikizha bungauzhi bwa mu Baibolo. Mulongo umo wanembele pa bibaaba biji pa jw.org amba “byawama bingi kwingijisha luno na mambo a jishinda jo tubena kwingijisha pa kusapwila.”

Na mambo a kuba’mba pa kutendekela kukebakeba bibaaba pa keyala wetu bapimpula pimpula byo babikapo, mwakonsha kutaana byepi bino bibaaba?

• Yai pa keyala wetu wa jw.org ne kuchinta po banemba’mba “Monai ne Bikwabo” na peulu. Kano ka musabilo kasakwimutwala po banemba’mba “Bibaaba byo Babikilepo Katataka pa Kutendekela pa Keyala Wetu.” Pano po po mwafwainwa kutaana bibaaba byavula bingi byakatataka.

• Yai pa keyala wetu wa jw.org nangwa mu JW Library^® ne kuchinta po baamba’mba “Library,” kepo muchinte po baamba’mba “Bibaaba Byalondankana,” ne kuchinta po banemba’mba “Mitwe Ikwabo.” Pano napo pataanwa bibaaba byavula byo babika ne pa kutendekela pa keyala wetu.