KYAMBA KYA USOPA—KYA KUFUNDAMO Kakubokache 2018
Mu kino kyamba muji mitwe ya kufunda kutendeka pa 26 February kufika pa 1 April, 2018.
BELAMBWILE SAKA BASWA ABO BENE
Bepaine na Muchima Yense—mu Madagascar
Isambainga na basapwishi baiya na kusampanya mambo a Bufumu mu nyaunda ya Madagascar.
“Aye Upana Bulume ku Bakooka”
Ino ntanda byo ibena kunangijila ku mpelo, twafwainwa kuketekela’mba makatazho asakuvujilangakotu. Kinembelo kya mwaka wa 2018 kituvululamo amba twafwainwa kulomba bukwasho bwa Yehoba.
Kivuluko Kileta Lukwatankano
Mu ñanyi mashinda Kivuluko mo kitukwasha bantu ba Lesa kukwatankana? Ñanyi kimye kyo kukela Kivuluko kyapelako?
Mambo ka a Kupaina Bintu ku Yewa Uji na Byonse?
Jishinda jimo jo tumwesheshamo byo twatemwa Lesa ke kupichila mu kupana. Tumwenamo byepi inge twapapo Yehoba bintu byetu?
Ñanyi Butemwe Buleta Lusekelo lwa Kine?
Kuyuka byapusana butemwe bwa kwakamwa Lesa ne butemwe bo baamba pa 2 Timoti 3:2-4 kusa kwitukwasha kwipesapesa atweba bene ne kwikala na byubilo bileta lusekelo lwa kine.
Monainga Lupusano Luji pa Bantu
Byubilo bimwesha bantu ano moba a kupelako byapusana byepi na byubilo biji na bantu ba Lesa?
Nanchi Mwayuka Nyi?
Nanchi bena Isalela kala balondelanga mafunde a mu Mizhilo ya Mosesa pa kuchiba mambo a pa juba pa juba nyi?
