Tangai Danyela 9:1-19 pa kuba’mba muyuke ene mambo o kyanemena kufunda Baibolo na mukoyo.

Yukai bintu bikwabo byamwekele. Ñanyi bintu bikwabo byamwekele kabiji byalengejile Danyela kubapo ka? (Da. 5:29–6:5) Inge mwajinga Danyela, inge mwaumvwine byepi?

Kebakebai bishinka. Ñanyi “mabuku azhila” Danyela o akebele kebelemo bishinka? (Da. 9:2, tubyambo twa munshi; w11 1/1 22 jifu. 2) Mambo ka Danyela o asolwejile mambo anji ne a kisaka kya bena Isalela? (Levi 26:39-42; 1 Mfu. 8:46-50; dp 182-184) Lulombelo lwa kwa Danyela lumwesha byepi kuba’mba wafunjilenga Mambo a Lesa na mukoyo?​—Da. 9:11-13.

Langulukai pa bintu byo mwafunjilako. Iipuzhai’mba:

• ‘Nakonsha kuba byepi pa kuba’mba mbulenga kukakilwa na bintu bibena kumweka mu ntanda?’ (Mika 7:7)

• ‘Nakonsha kumwenamo byepi inge ke mfunde Mambo a Lesa na mukoyo byonka byaubanga Danyela?’ (w04 8/1 12 jifu. 17)

• ‘Ñanyi mitwe yo nafwainwa kufundapo yakonsha kunkwasha ‘kulabanga ne kukenkenta’?’ (Mat. 24:42, 44; w12 8/15 5 mafu. 7-8)