KYAMBA KYA USOPA—KYA KUFUNDAMO Kapyantoto 2019
Mu kino kyamba muji mitwe ya kufunda kutendeka pa 5 August kufika pa 1 September, 2019
“Jimukai Kuchina’mba, Nangwa Muntu umo Wakemukwata Buzha”!
Satana wayuka bingi kujimbaika bantu. Witujimbaika byepi ne kwitufumya kwi Yehoba?
Fumyaimo Milanguluko Yatama Ilengela Bantu Kubula Kuyuka Lesa
Bintu byo twapitamo mu bwikalo, kisho kyetu ne kufunda byo bitulengela kwikala na milanguluko yawama nangwa yatama. Bino twakosha kuba byepi pa kuba’mba ‘tukundula bintu byakosa’ byajimba mizhazhi mwi atweba?
Ketekelai mwi Yehoba Inge Mubena Kupita mu Makatazho
Makatazho inge avula nangwa abula kupwa bukiji akonsha kwitukookesha ne kwitulengela kwikala na bijikila. Twakonsha kufunjilako byavula kwi Yehoba byo akwashishe bakalume banji banembwa mu Baibolo bajinga na makatazho.
Kwashainga Bakwenu Kuchinchika Makatazho
Lota, Yoba ne Naomi baingijile Yehoba mu bukishinka, pano bino, bachinchikile makatazho avula bingi mu bwikalo bwabo. Twakonsha kufunjilako ka ku byo bapichilemo?
Bya Kwizhikijila ku Kakose ka kwa Satana
Bya mulekese ke kakose kafwamo bantu bavula bingi. Twakonsha kuchinuzhuka byepi kino kyubilo kyatama?
“Bavungulwile” Muvungilo wa Kala
Mu mwaka wa 1970 bapoya bya kupoyapoya bataaine muvungilo wapile na mujilo mu mpunzha ya Ein Gedi, mu Isalela. Bashayuka baingijishe kiñambañamba (3-D scanner) kuvungulula uno muvungilo. Kiñambañamba kyo baingijishe kimweshapo ka pa uno muvungilo?
