Bungauzhi bwatongolwa mu ino ndonda bwalumbulula bintu bimweka pa kimye kimo. Buno bungauzhi bonse bumwesha kuba’mba tubena kwikala mu “kimye kya ku mpelo.”—Da. 12:4.

• Binembelo Lum. 11:7; 12:13, 17; 13:1-8, 12

  Bungauzhi “Lukinyama” walama bantu pa myaka yavula bingi. Mu kimye kya ku mpelo, mutwe wa butanu na bubiji wa uno lukinyama bamukozhezhe. Mu kuya kwa kimye, uno mutwe bamubukile kabiji “bantu bonse ba pa ntanda” balondela uno lukinyama. Satana wingijisha uno lukinyama ‘kulwa na boba bashalapo.’

  Kufika kwa bungauzhi Kufumatu kimye kya Muyulo, makafulumende a bantu alwisha Yehoba atendekele kulama bantu. Byo papichile myaka yavula, mu kimye kya Nkondo Itanshi ya Ntanda Yonse, Bufumu bwa Britain bwakookele. Bwakosele jibiji byo bwakwatankene na United States. Kikatakata mu kimye kya ku mpelo, Satana ubena kwingijisha makafulumende aji pano pa ntanda kumanyika bantu ba Lesa.

• Kinembelo Da. 11:25-45

  Bungauzhi Mu kimye kya ku mpelo, mfumu wa ku kabeta ka ku buyeke ne mfumu wa ku bulenge bekyombesha kuba’mba bamone uji na bulume kukila mukwabo.

  Kufika kwa bungauzhi Germany walwile na Anglo-America. Mu 1945 kafulumende wa Soviet Union ne byalo byakwatankene nanji byaikele ke mfumu wa ku buyeke. Mu 1991, kafulumende wa Soviet Union bamufumishepo, kabiji mu kuya kwa kimye, kyalo kya Russia ne byalo bikwabo byakwatankana nakyo byaikele ke mfumu wa ku buyeke.

• Binembelo Isa. 61:1; Mala. 3:1; Luka 4:18

  Bungauzhi Yehoba watuma “muluwe” wanji kuya na ‘kuwamisha jishinda’ Bufumu bwa Bumesiasa saka bukyangye kwikajikwa. Muluwe watendekele kusapwila “mambo awama ku bakimote.”

  Kufika kwa bungauzhi Kutendeka mu mwaka wa 1870, Charles T. Russell ne balunda nanji baingijile na ngovu kulumbulula bukine bwa mu Baibolo. Mu 1881, bafunjile kuba’mba kyanema bingi bakalume ba Lesa kwingila mwingilo wa kusapwila. Banembele bibaaba nabiji bya kuba’mba “Kubena Kukebewa Basapwishi 1,000” ne “Bashingwa Kuba’mba Basapwilenga.”

• Kinembelo Mat. 13:24-30, 36-43

  Bungauzhi Mulwanyi wakushile nseku mu wichi kabiji ino nseku beilekele kuba’mba ikomene pamo na wichi ne kutatankanya wichi kufikatu ne kimye kya kunowa; kepo nseku beifumishemo mu wichi.

  Kufika kwa bungauzhi Kutendeka mu mwaka wa 1870, bena Kilishitu ba kine batendekele kuyukanyikwa. Mu kimye kya ku mpelo, bena Kilishitu ba kine bebakonkenya pamo mu kipwilo ne kwibafumya mu bena Kilishitu ba bubela.

• Kinembelo Da. 2:31-33, 41-43

  Bungauzhi maulu a kyela kya kapotwe kyapatakana na buchimba a lukipashañano mukatampe.

  Kufika kwa bungauzhi Buchimba bwimenako bantu bo balama ku Bufumu buji bingi na bulume mu ntanda yonse bwa Anglo-America. Bano bantu balengela buno Bufumu kubula kwingijisha bulume bwabo nobe kyela kya kapotwe.

• Binembelo Mat. 13:30; 24:14, 45; 28:19, 20

  Bungauzhi “Wichi” bamubungizhe ne kumulonga mu “butala” kabiji batongwele “kalume wa kishinka kabiji wa maana” kuba’mba atalenga “pa ba mu nzubo.” “Mambo awama a Bufumu” atendekele kusapwilwa “pano pa ntanda ponse.”

  Kufika kwa bungauzhi Mu 1919 kalume wa kishinka bamutongwele kuba’mba atangijilenga bantu ba Lesa. Kufumatu mu uno mwaka, Bafunda Baibolo basapwijilenga na mukoyo. Lelo jino, Bakamonyi ba kwa Yehoba babena kusapwila mu byalo kukila pa 200 kabiji banengezha mabuku aimena pa Baibolo mu milaka kukila pa 1,000.

• Binembelo Da. 12:11; Lum. 13:11, 14, 15

  Bungauzhi lukinyama wa nsengo ibiji wabuula bantu pa ntanda kuba’mba ‘balenge kipashañano kya lukinyama,’ kabiji kyapaine “muya ku kipashañano.”

  Kufika kwa bungauzhi Bufumu buji bingi na bulume mu ntanda yonse bwa Anglo-America bo bwatangijile mwingilo wa kulenga kabungwe ka League of Nations. Kano kabungwe bekatundaika ku byalo bikwabo. Mu kuya kwa kimye, mfumu wa ku kabeta ka ku buyeke naye watwelele mu kano kabungwe, bino waikelemotu kufuma mu 1926 kufika mu 1933. Byonka biji kabungwe kapingakenejilepo ka United Nations (UN), kabungwe ka League of Nations bekapanga munema wafwainwa kuya ku Bufumu bwa Lesa.

• Kinembelo Da. 8:23, 24

  Bungauzhi Mfumu wakanama waonauna “bintu mu jishinda ja kukumya.”

  Kufika kwa bungauzhi Bufumu buji bingi na bulume mu ntanda yonse bwa Anglo-America bwaonauna bintu byavula bingi. Mu kimye kya Nkondo ya Bubiji ya Ntanda Yonse, United States waonawine bintu byavula bingi kimye kyo balakeshe mabomba abiji ashinta bingi pa balwanyi babo.

• Binembelo Da. 11:31; Lum. 17:3, 7-11

  Bungauzhi “Lukinyama wachijisha” wa nsengo jikumi wafuma mu kalengwa kabula kupela kabiji ye mfumu wa butanu na busatu. Buku wa Danyela watongola uno mfumu amba “kintu kya bunya kileta lonaiko.”

  Kufika kwa bungauzhi Kabungwe ka League of Nations kalekele kwingila kimye kya Nkondo ya Bubiji ya Ntanda Yonse. Nkondo byo yapwile, ‘baimikile’ nangwa’mba balengele kabungwe ka United Nations (UN). Byonka byajinga kabungwe ka League of Nations, kabungwe ka UN bekapa munema wafwainwa kuya ku Bufumu bwa Lesa. Kabungwe ka UN kakalukuka bupopweshi.

• Binembelo 1 Tesa. 5:3; Lum. 17:16

  Bungauzhi Bisaka bya bantu bikabijika’mba “Mutende ne luzhikijilo,” kabiji “nsengo jikumi” ne “lukinyama” bikalukuka “pite” ne kumonauna. Apa bino bisaka byonse bya bantu bikonaunwe.

  Kufika kwa bungauzhi Bisaka bya bantu bikamba’mba baleta mutende ne luzhikijilo. Kepo makafulumende atundaika UN akonauna mabumba a bupopweshi bwa bubela. Ino yo ikekala ntatwilo ya malwa akatampe. Ano malwa akapwa kimye kikonaunwa ntanda yonse ya kwa Satana pa Amagedonyi.

• Binembelo Ezi. 38:11, 14-17; Mat. 24:31

  Bungauzhi Gogi ukalukuka ntanda ya bantu ba Lesa. Kepo bamalaika bakakonkanya pamo “basalwa.”

  Kufika kwa bungauzhi Mfumu wa ku kabeta ka buyeke kukwatankena pamo na makafulumende onse a pano pa ntanda, akulukuka bantu ba Lesa. Kuno kulukukwa inge kwatendeka, bashingwa bakataanwa pano pa ntanda bakebakonkenya mwiulu.

• Binembelo Ezi. 38:18-23; Da. 2:34, 35, 44, 45; Lum. 6:2; 16:14, 16; 17:14; 19:20

  Bungauzhi Awa ‘waikala pa mbili utoka,’ ukapwisha “kushinda” kupichila mu konauna Gogi ne nzhita yanji. “Lukinyama” “[bakamutaya] mu kizhiba kiteema mujilo,” kabiji kipashañano bakekivingakanya.

  Kufika kwa bungauzhi Mfumu wa Bufumu bwa Lesa aye Yesu ukeya na kupulusha bantu ba Lesa. Aye pamo na ba 144,000 bo akalamanga nabo, ne mazhita a bamalaika, bakonauna bisaka bya bantu bikakwatankana kulukuka bantu ba Lesa, ne kufumyapo makafulumende onse a Satana.