KYAMBA KYA USOPA—KYA KUFUNDAMO Ntundwe 2017

Mu kino kyamba muji mitwe ya kufunda kutendeka pa 27 November kufika pa 24 December, 2017.

JISHIMIKILA JA BWIKALO

Mapesho Afuma mu Kuba Kyaswa Muchima wa Yehoba

Mu 1952,ba Olive Matthews ne bamwatawabo baswile kuya na kwingijila bupainiya ku Ireland. Yehoba wibapesheshe byepi?

‘Twafwainwa Kwitemwa mu Byubilo ne mu Bukine’

Twakonsha kumwesha byepi butemwe bwa kine bwabula bujimbijimbi?

Bukine Buleta “Mpoko Kechi Mutende Ne”

Ñanyi “mpoko” Yesu yo aambilepo amba yo akaleta, kabiji yakonsha kwimulengela kwikala byepi?

Yosefwa wa ku Alimatea Wachinchikile

Yosefwa wa ku Alimatea wajinga ñanyi? Ñanyi bulunda bwajinga pakachi ka kwa Yesu ne Yosefwa? Mambo ka jishimikila ja kwa Yosefwa o janemena kwi anweba?

Byo Tufunjilako ku Bimwesho Byamwene Zekaliya

Muvungilo wapichilenga mwiulu, mwanamukazhi ye bashinkijile mu kindundu, banabakazhi babiji balelembelenga mu mwela. Mambo ka Lesa o amwesheshe Zekaliya bino bimwesho?

Bemuzhikijila ku Makalaki ne Munchinya

Mitumba ya mukuba, makalaki o banengezha kuya ku nkondo, ne ñanga mwine mukatampe ye batongola kwikala mfumu. Kimwesho kyapeleleko kyamwene Zekaliya kitundaika byepi bantu ba Lesa lelo jino?