KYAMBA KYA USOPA—KYA KUFUNDAMO Kakubokache 2017
Mu kino kyamba muji mitwe ya kufunda mu kutendeka pa 27 February kufika pa 2 April, 2017.
Bepaine na Muchima Yense
Banyenga bavula baingijilapo mu byalo bingi patanshi bazhinaukilenga amba kampe kechi bakonsha ne. Ki ka kibakwashishe kushinda uno moyo ne kuchinchika? Ñanyi bintu byo bafunjilako ku kwingijila mu byalo bingi?
“Ketekela mwi Yehoba ne Kuba Bintu Byawama”
Yehoba witubila bintu byo tukankalwa kuba atweba bene. Bino ukeba twibikengako kuba byo twakonsha kuba. Kinembelo kya mwaka wa 2017 kitukwasha byepi kuyuka byo twakonsha kuba ne byo twakonsha kubula kuba?
Ingijishainga Bulongo Luusa Lwenu lwa Kwifuukwila Bintu
Luusa lwa kwifuukwila bintu lo lu ka, kabiji Baibolo waambapo’mba ka? Mwakonsha kunemeka byepi luusa lwa bakwenu lwa kwifuukwila bintu?
Ene Mambo Kwipelula o Kwanemena
Kwipelula kulumbulula ka? Mambo ka o kyanemena kwikala bepelula?
Mwakonsha Kutwajijila Kwikala Bepelula Nangwatu mu Meseko
Twakonsha kutwajijla byepi kwikala bepelula inge bintu byapimpulwa, inge bantu betunena nangwa kwitutakaika, ne pa kufuukula bya kuba inge kechi twayuka biji kulutwe na lwendo?
‘Bino Bintu Wibipane ku Bantu ba Kishinka’
Balongo bakikulumpe bakonsha kufunjisha byepi banyike pa kuba’mba bafikilemo kwingila mingilo mu kipwilo? Banyike bakonsha kunemeka byepi balongo bakikulumpe baingijila Yehoba pa myaka yavula bingi?
Nanchi Mwayuka Nyi?
Kala bantu basendanga byepi mujilo?
