BYA KUPWISHA LUPATO

3 | Fumyai Lupato mu Muchima Wenu

JIZHAI

Lufunjisho lwa mu Baibolo:

“Mwalulukenga kupichila mu kupimpulanga milanguluko yenu kuba’mba muyukenga kyaswa muchima wa Lesa, akya kyawama, kyalumbuluka kabiji kimutokesha ku muchima.”—LOMA 12:2.

Byo Kilumbulula:

Bintu byo tulanguluka byanema kwi Lesa. (Yelemiya 17:10) Kechi twafwainwa kupelelatu pa kuchinuzhuka kwamba nangwa kuba bintu bileta lupato ne. Lupato lutendekela mu muchima. Onkao mambo, twafwainwa kuleka kulanguluka pa bintu bitulengela kwikala na lupato. Inge twauba bino, po po ‘tukaluluka’ ne kuleka lupato.

Byo Mwakonsha Kuba:

Ipesapesai ne kumona byo mulanguluka pa bantu ba kikoba kingi nangwa bafuma ku kyalo kingi. Iipuzhai anweba bene amba: ‘Nebamona byepi? Nanchi milanguluko yami yaimena pa byo nebayuka nyi? Inyi yaimena pa misalululo?’ Chinuzhukainga bya pa Intaneti, mafilimu, nangwa bya kisangajimbwe bitundaika lupato ne bukapondo.

Mambo a Lesa akonsha kwitukwasha kushinda lupato luji mu muchima wetu

Kechi kyapeela kupesapesa milanguluko yetu atweba bene ne. Bino Mambo a Lesa akonsha kwitukwasha ‘kuyuka biji milanguluko ne bikeba muchima.’ (Bahebelu 4:12) Onkao mambo, tangainga Baibolo kimye kyonse. Esakanyainga byo mulanguluka ku byaamba Baibolo, kabiji ibikishaingako kulanguluka bintu bisangajika muchima wa Lesa. Mambo a Lesa akonsha kwitukwasha kushinda lupato luji mu muchima wetu.—2 Kolinda 10:4, 5.

Jishimikila ja Bwikalo—BA STEPHEN

Bapimpwile Milanguluko Yabo

Ba Stephen ne kisemi kyabo bebashikilwe bingi ku bazungu. Kyafuminemo, ba Stephen bakwatankene na jibumba ja bena America bafita baingijishanga mashinda a bukapondo pa kuba’mba bantu banemekenga luusa lwabo. Mu kuya kwa kimye, nabo baikele na lupato. Ba Stephen baambile’mba: “Pa kimye kimo, amiwa ne balunda nami twatambile filimu mo bamwesheshenga byo bayanjishanga bantu bafiita mu United States. Byo twazhingijile na mambo a bino byubilo byatama, twakozhezhe baana ba bazungu monka mu kishimikwa mo twatambijilenga uno filimu. Kabiji twapitañenenga mu mizhi ya bazungu na kukeba bazungu bakwabo kuba’mba twibapume.”

Ba Stephen bapimpwile ndangulukilo yabo kimye kyo batendekele kufunda Baibolo na Bakamonyi ba kwa Yehoba. Baambile’mba: “Byo namwene misalululo yavula, bintu byo namwene mu Bakamonyi byankumishe bingi. Kimye Kamonyi muzungu kyo ayilenga ku kyalo kingi, washijile muntu ufiita kuba’mba amulamineko baana banji. Kabiji bazungu nabo balamanga nsongwalume ufiita wabujile kwa kwikala.” Ba Stephen bamwene kuba’mba Bakamonyi ba kwa Yehoba ke kisemi kya bantu baji na butemwe bwa kine, kabiji kino kibakwashishe kuyuka’mba bafikizha mulaye walayile Yesu wa kuba’mba baana banji ba bwanga bakamweshanga butemwe bwa kine.—Yoano 13:35.

Ki ka kyakwashishe ba Stephen kuleka bukapondo ne kushikwa bakwabo? Kinembelo kya Loma 12:2 kyo kibakwashishe. Baambile’mba: “Namwene kuba’mba nafwainwa kupimpula ndangulukilo yami. Kechi napimpwile milanguluko yami kuba’mba ngubenga bintu mu jishinda jawamatu ne, bino namwene ne kuba’mba kyo kintu kyawama kuba.” Ba Stephen beyowa bwikalo bwa kubula lupato myaka kukila pa 40.

KYAMBA KYA USOPA

Bya Kupwisha Lupato—Fumyai Lupato mu Muchima Wenu

Kikaonde

Bya Kupwisha Lupato—Fumyai Lupato mu Muchima Wenu

https://cms-imgp.jw-cdn.org/img/p/2022013/univ/art/2022013_univ_sqr_xl.jpg

wp22 Na. 1 pp. 10-11

Bakamonyi ba kwa Yehoba

3 | Fumyai Lupato mu Muchima Wenu

Lufunjisho lwa mu Baibolo:

Byo Kilumbulula:

Byo Mwakonsha Kuba:

Bya Kupwisha Lupato—Fumyai Lupato mu Muchima Wenu

BYA KUKOPOLOLA

Bya Kupwisha Lupato.

Bya Kupwisha Lupato.

Lufunjisho lwa mu Baibolo:

Byo Kilumbulula:

Byo Mwakonsha Kuba:

BYA KUKOPOLOLA

Salai Mulaka Wenu

Tumai Musabilo