1. 1. SATANA DIABOLA. Malaika wasatukile aye Satana, ye uleta lupato lo tubena kumona ano moba. Lesa ukonauna Satana ne bonse bamwesha kyubilo kyanji kya lupato.—Salamo 37:38; Loma 16:20.

2. 2. NTANDA YA KWA SATANA YAYULA NA LUPATO. Lesa ukafumyapo bintu byonse bitundaika lupato, kubikapo ne bamulwila ntanda ne ba ntangi ba bupopweshi bwa bubela. Lesa ukafumyapo ne bipamo bya busulu bijimukila bantu.—2 Petelo 3:13.

3. 3. BUMBULWA KULUMBULUKA BWA BANTU. Baibolo walumbulula’mba bantu bonse baswana bundengamambo bwibalengela kulanguluka ne kuba bintu byatama. (Loma 5:12) Kwikala na lupato mu muchima ne kwilumwesha ke muteeto umo wa bundengamambo. Lesa ukakwasha bantu kushinda miteeto yonse ya bumbulwa kulumbuluka pa kuba’mba lupato lukapwe myaka ne myaka.—Isaya 54:13.

1. 1. KECHI MUKEKALA NSHIJI NE. Ntanda yonse ikalamwanga na Bufumu bwa Lesa, kafulumende wa mwiulu wabula misalululo. (Danyela 2:44) Misalululo ne bintutu bikwabo byatama kechi bikekalako ne. Lesa ukafumyapo nshiji yonse ibena kupitamo bantu lelo jino.—Luka 18:7.

2. 2. BANTU BONSE BAKEKALANGA MU MUTENDE. Kafwako muntu ukayanda na mambo abukapondo ne nkondo ne. (Salamo 46:9) Ntanda yonse ikakumbanatu na bantu ba mutende.—Salamo 72:7.

3. 3. BANTU BONSE BAKEKALANGA BULONGO MYAKA NE MYAKA. Bantu bonse bakekala pa ntanda bakemweshanga butemwe bwa kine. (Mateo 22:39) Kafwako muntu ukamanamanga nangwa kuvuluka bintu byatama byo apichilemo ne. (Isaya 65:17) Kimye lupato lonse kyo lukapwa, bantu “bakasangalelanga mu kuvula kwa mutende.”—Salamo 37:11.

Nanchi mutonga kwikala mu ntanda ya uno mutundu nyi? Nangwatu luno bantu bavula babena kufunda bya kuleka lupato kupichila mu kwingijisha mafunde a mu Baibolo. (Salamo 37:8) Bino byo bibena kuba Bakamonyi ba kwa Yehoba mwaya ntanda yonse. Nangwa kya kuba bafuma mu bisho ne nkomeno yapusana pusana, bakwatankana ne kwitemwa abo bene na bene.—Isaya 2:2-4.

Bakamonyi ba kwa Yehoba batemwa kubuulako bakwabo byo bafunda pa bya kuba na nshiji ne misalululo. Byo mufunda bikemukwasha kuleka lupato ne kwikala na butemwe. Makafunda kumwesha butemwe ku bantu bonse kubikapotu ne babula kusanta nangwa baji na lupato. Kikafumamo mukekala na lusekelo kabiji mukekala na bulunda bwawama na bakwenu. Kyakila pa byonse, mukafunda byakuba pa kuba’mba mukekale mu Bufumu bwa Lesa mukabula lupato myaka ne myaka.—Salamo 37:29.