Lesa Wimuta Muchima
MU Baibolo muji maana awama afwainwa kwitukwasha, mambo buku wafuma kwi Lesa. Nangwa kya kuba Baibolo kechi buku wa bya michi ne, maana ajimo awama kabiji akwasha bantu kuyuka bya kuba na makatazho apusana pusana nabiji misongo ne bikola bya ku bongo.
Kyakilamo kunema, Baibolo witubuula’mba Mulenga wetu aye Yehoba Lesa, a wayuka bulongo byo tulanguluka ne bintu byo tupitamo kukila muntu uji yense. Kabiji ukebesha bingi kwitukwasha kuyuka bya kuba na makatazho onse o tupitamo. Akilangulukai pa bino byambo bya mu Baibolo bitutekenesha:
“Yehoba uji kwipi na boba balajika michima; upulusha boba baji na bulanda.”—SALAMO 34:18
“Amiwa Yehoba Lesa wobe nakukwata ku kuboko kobe kwa kilujo, Yami mbena kukwambila namba, ‘Kuchina ne, amiwa nkakukwasha.’”—ISAYA 41:13
Pano nanchi Yehoba witukwasha byepi kuyuka bya kuba na bikola bya ku bongo? Tusakufunda mu bibaaba byo londelapo Yehoba byo amwesha’mba wituta muchima mu mashinda avula
a Yehoba jo jizhina ja Lesa.—Salamo 83:18.
