1 | Lulombelo—“Saka Mutaya Bijikila Byenu Byonse pe Aye.”
BAIBOLO WAAMBA’MBA: “Saka mutaya bijikila byenu byonse pe [Lesa], mambo wimuta muchima.”—1 PETELO 5:7.
Mwatala Bino Byambo
Yehoba Lesa ukeba’mba tumubuulenga bijikila byetu byonse. (Salamo 55:22) Twakonsha kulomba pa makatazho onse, akatampe nangwa acheche. Bintu byanema kwi atweba, byanema ne kwi Yehoba. Kulomba kwi aye kwanema bingi mambo kwitukwasha kwikala na mutende wa mu milanguluko.—Filipai 4:6, 7.
Bino Byambo byo Byakonsha Kwimukwasha
Inge paji bintu bibena kwitukatazha mu milanguluko twakonsha kutendeka kwiumvwa’mba tujitu bunke. Bakwetu kechi bakonsha kuyuka bintu byonse byo tubena kupitamo ne. (Byambo bya Maana 14:10) Bino inge twamubuula Lesa mu lulombelo bintu biji ku muchima wetu, aye uteleka ne kuyuka bintu byo tubena kupitamo. Yehoba witumona, wayuka makatazho o tupitamo kabiji ukeba’mba tumubuulenga mu lulombelo bintu byonse biji ku muchima wetu.—2 Byambo bya Moba 6:29, 30.
Kwisamba ne Yehoba mu lulombelo kwitukwasha kushiinwa’mba wituta muchima. Twakonsha kwiumvwa byonka byaumvwine nyimbi wa ma masalamo wanembele’mba: “Mwamona kumanama kwami; mwayuka bya malwa byami bikatampe.” (Salamo 31:7) Kuyuka’mba Yehoba wayuka byo tubena kupitamo kwitukwasha kutwajijila kuchinchika makatazho. Nangwa byonkabyo, kechi utalapotu ne. Kupusanako na bantu, aye wayuka bulongo byo tubena kupitamo, kabiji witukwasha kutaana lutekenesho ne lutundaiko mu Baibolo.
Mwakonsha Kutemwa
KYAMBA KYA USOPA
Mwakonsha Kuba Byepi pa Kuba’mba Lesa Omvwenga Milombelo Yenu?
Lombainga kwi Lesa kuji konse komuji kabiji kimye kiji kyonse na jiwi ja peulu nangwa kishinshi. Yesu witubuula byo twafwainwa kulombangapo.
BINTU BYAAMBA BAIBOLO
Nanchi Lesa Umvwa Milombelo Yonse Nyi?
Pano ibyepi inge kya kuba bibena kulomba muntu bibena kumweshatu byo etemwa aye mwine? Kyakonsha kwikala byepi inge mwanamulume kechi ulama bulongo mukazhanji kabiji walomba kuba’mba Lesa amupeshe?
BANYIKE BEPUZHA’MBA
Mambo ka o nafwainwa kulombela?
Nanchi kulomba kwaikalatu nobe muchi utontololako misongo nyi, inyi kuji bintu bikwabo byavwangiwamo?
KYAMBA KYA USOPA
Nanchi Lesa Umvwa Milombelo Yetu Nyi?
Baibolo witubuula’mba Lesa umvwa inge twamulomba mu jishinda jafwainwa.
BAKAMONYI BA KWA YEHOBA
Lombai Lufunjisho lwa Baibolo
Ikalai na lufunjisho lwa Baibolo lwatutu pa kimye ne mpunzha yo mukeba.
