Bantu Bavula Balomba’mba, “Bufumu Bwenu Bufike”
Nanchi mwakilombapo kala amba: “Bufumu bwenu bufike” nyi?” (Mateo 6:10) Abino byambo biji mu Lulombelo lwa Nkambo lwalomba bantu pa myaka yavula bingi. Mambo ka bantu o balombela bino javula? Mambo Yesu wafunjishe baana banji ba bwanga kulombanga’mba Bufumu bwa Lesa bufike.
Patanshitu, baana banji ba bwanga kechi baumvwishishe byonse Yesu byo aambile pa Bufumu bwa Lesa ne. Bamwipwizhe’mba: “Nkambo, nanchi mubena kubwezha bufumu ku bena Isalela pa kyonka kino kimye nyi?” Bafwainwa bakuminye bingi Yesu byo abujile kwibabuula mu kushinkamika kimye kikeya Bufumu bwa Lesa. (Byubilo 1:6, 7) Nanchi kino kibena kulumbulula’mba kechi twakonsha kuyuka Bufumu bwa Lesa byo buji ne kimye kyo bukeya ne nyi? Ine, kechi byo ibyo ne!
Kino Kyamba kya Usopa kisakwimukwasha kutaana mikumbu ya ano mepuzho:
Mambo ka o tukebela Bufumu bwa Lesa?
Ñanyi Mfumu wa Bufumu bwa Lesa?
Ñanyi kimye Bufumu bwa Lesa kyo bukatendeka kulama pano pa ntanda?
Ñanyi bintu bikoba Bufumu bwa Lesa?
Salaipo kutundaika Bufumu bwa Lesa!
Bufumu bwa Lesa bo bu Ka?
Mwakonsha Kutemwa
KYAMBA KYA USOPA
Mambo ka a Kulombela Bufumu bwa Lesa amba Bwiye?
Ñanyi bintu byakankalwa ku makafulumende a bantu bikoba Bufumu bwa Lesa?
ESSENTIAL BIBLE TEACHINGS
Bufumu bwa Lesa bo bu ka?
Mu mwingilo wanji yense, Yesu wafunjishanga javula pa Bufumu bwa Lesa. Pa myaka yavula yapitapo, bakalume banji balombela’mba Bufumu bwa Lesa bwiye.
