LABAINGA! Na. 1 2019 | Nanchi Tukekalapo mu Mutende Nyi?
Monai makatazho amo o tupitamo ne bikobiwa pa kuba’mba muno mu ntanda mukekale mutende ne kukwatankana.
Ene Mambo o Kwabujila Mutende
Ano moba bintu bibena kulengela’mba tubule kwikala mu mutende byavula bingi kukila kala. Nanchi tukekalapo mu mutende nyi?
Kuyuka Kine Kyalengela ano Makatazho
Makatazho avula o tubena kupitamo aiya na mambo a kuba’mba bantu ke bumbulwa kulumbuluka. Ñanyi wakonsha kwitukwasha?
Kufunda Baibolo
Bantu bakonsha kwikalatu mu mutende inge bafunda Baibolo ne kwikala na byubilo byawama.
Byashimikizha ba Ricardo ne ba Andres
Ba Ricardo ne ba Andres kala bavulañanyanga mutende mu kimasamasa, pano luno bafunjsha bantu kwikala mu mutende. Tangai mashimikila abo muyuka Baibolo byo apimpwile bwikalo bwabo.
“Bufumu . . . Bukaleta Mutende Ukabula Kupwa”
Nanchi Bufumu bwa Lesa bo bu ka?
Mu Bufumu bwa Lesa “Mutende Ukavula”
Bufumu bwa Lesa bukaleta mutende ne kukwatankana pano pa ntanda.
Nanchi Mwakiipuzhapo Kala ano Mepuzho Nyi?
Mwakonsha kutaana kwepi mikumbu ku mepuzho aamba pa Baibolo o muji nao?
