Bantu ano moba baleka kwipa mushingi. Onkao mambo, bantu bavula bakumya bingi inge bamona muntu saka abena kunemeka bakwabo.

Bantu bavula baleka kupa bakwabo mushingi. Nabiji bansemi babo, bakote, bakapokola, bakulumpe babo ba mingilo ne bafunjisha babo. Kabiji bantu babena kunemba byambo byatama bingi pa bakwabo pa intaneti. Kwesakana na kibaaba kimo kiji mu buku wa Harvard Business kyaamba pa kyubilo kya kubula mushingi amba: “Bantu ano moba baleka kunemeka bakwabo.” Kino kyonka kibaaba kyatwajijila kwamba’mba: “Kinetu, ano moba bantu bakizhamo kubula kunemeka bakwabo.”