Mwakonsha Kutaana Byepi Bishinka?
“Jiulu ne ntanda byaishilekotu bine kafwako wibilengele ne.”—Byo byaambile bashayuka ba bya mwiulu ba Stephen Hawking ne ba Leonard Mlodinow.
“Lesa walengele jiulu ne ntanda.”—Byo byaamba Baibolo mu Ntendekelo 1:1.
Nanchi jiulu ne ntanda bebilengele kwi Lesa nyi, inyi byaishilekotu bine? Byambo byaambile bashayuka ba bya mwiulu babiji ne byaamba Baibolo byapusana bingi. Bantu bamo baitabila kuba’mba jiulu ne ntanda kuji wibilengele, bakwabo nabo baitabila’mba byaishilekotu bine. Pakuba bakwabo kechi bayukapo ne mwine mukumbu ne. Mabuku amo ne batemwa bya kwipachika batundaikapo mukumbu umo pa ino mikumbu ibiji.
Bafunjishi benu bemufunjisha ku sukulu bakonsha kwamba kuba’mba jiulu ne ntanda byaishilekotu bine kafwako wibilengele ne. Nanchi bafunjishi benu bajipo na bishinka bimwesha’mba kafwako walengele jiulu ne ntanda nyi? Bino kampe mwakyumvwapo kala bantangi babupopweshi saka basapwila’mba kuji walengele bintu byonse. Nanchi bemubuujilepo bishinka bimwesha’mba kuji wibilengele nyi? Nangwa mwaitabilatu na mambo a kuba’mba bemubuujile’mba kuji Lesa walengele bintu byonse nyi?
Kampe mwakilangulukapo kala pa buno bwipuzho ne kutaana’mba kafwako muntu nangwa umo wakonsha kwimubuula inge kuji walengele jiulu ne ntanda ne. Kabiji na mambo a kino mwakonsha kwipuzha bwipuzho bukwabo bwa kuba’mba: Nanchi kyanema kuyuka mukumbu nyi?
Uno Labainga! patanshitu waamba pa bishinka byalengela bantu bavula kwitabila’mba kuji walengele bintu byonse. Kabiji waamba ne pa ene mambo o kyanemena kuyuka walengele bintu byonse.
Mwakonsha Kutemwa
MEPUZHO A MU BAIBOLO A KUMBULWA
Nanchi Lesa Waingijishe Kwaluka kwa Bintu Kuba’mba Mufume Bintu Bipeema Byapusana pusana Nyi?
Baibolo kechi ukana byamba ba shayuka ba sayansi kuba’mba kuji mitundu ya bintu bipeema byapusana pusana ne.
BANYIKE BEPUZHA’MBA
Nanchi Bilengwa Byaishilekotu Abyo Bine nyi, Inyi Paji Wibilengele?—Lufunjisho 1: Mambo ka a Kwitabila mwi Lesa?
Nanchi wakonsha kulumbulula bulongo ene mambo o waitabila mwi Lesa nyi? Mona byo wakonsha kukumbula inge bakwipuzha pa byo waitabilamo.
BAKAMONYI BA KWA YEHOBA
Lombai Lufunjisho lwa Baibolo
Ikalai na lufunjisho lwa Baibolo lwatutu pa kimye ne mpunzha yo mukeba.
