MUTWE WA PA NKUPIKO
Mwakonsha Kwikala Byepi Na Byubilo Byawama?
-
PA MOBA asatu mu mulungu, Austin ubuuka kumakya inge waumvwatu alamu wanji wajila, kabiji nangwa ukyumvwa tulo, ulupuka pangye ne kuya na kunyema lubilo. Mwaka yense wapwatu na kuba bino.
-
Laurie watoboka na bamwatawanji. Saka azhingila, watwela mu kibamba mwa kutekela kajo ne kutola nyimu ne kutendeka kwiija na bukaji, byonka byo oba jonse inge wazhingila.
Ñanyi lukatazho luji na Austin ne Laurie? Umvwe bayuka nangwa ne, bonse babiji baji na muteeto, nangwa’mba kyubilo kyo batemwa kuba kwa kubula ne kulangulukapo.
Nga anweba, nanchi kujipo byubilo byawama byo mukeba kwikala nabyo nyi? Kampe mwibikila kikonkwanyi kya kulaala kimye kyabaya, nangwa kwisamba jonse na balongo benu ne balunda nenu pa foni.
Lubaji lukwabo, kampe kuji miteeto yatama yo mukeba kuleka, nabiji kupepa fwanka, kukizhamo kuja kajo ka mafuta, nangwa kutaya kimye kyabaya pa Intaneti.
Kwambatu kine, kyakatazha bingi kuleka muteeto watama. O ene mambo bantu o bambila’mba, kubuula muntu amba aleke muteeto wabula kufwainwa kujitu nobe kwambila muntu walaala wivweta ne mwemba mu kimye kya mashika amba abuuke.
Pano mwakonsha kushinda byepi miteeto yatama? Akimonai mashinda asatu alondelapo aimena pa mafunde a mu Baibolo.
Mwakonsha Kutemwa
KYAMBA KYA USOPA
Kupepa Fwanka
Mambo ka o lwakitwajijila nangwa kya kuba baeseka kwilupwisha?
LABAINGA!
Nanchi Mubena Kwingijisha Bulongo Biñambañamba Bingijisha Intaneti Nyi?
Kumbulai ano mepuzho ana pa kuba’mba muyuke byo mwingijisha intaneti.
