KYAMBA KYA USOPA—KYA KUFUNDAMO Kainyainya 2014
Mu kino kyamba muji mitwe ya kufundamo kutendeka mu mulungu wa October 27 kufika mu mulungu wa November 30, 2014.
Nanchi Mubena “Kukanamina” Mingilo Yawama Nyi?
Ñanyi jishinda jawama kubilamo bino?
Nanchi Mwashiinwa Kuba’mba Muji na Bukine Nyi? Mambo Ka?
Uno mutwe waamba pa bishinka byalengela bantu bavula kwamba’mba Bakamonyi ba kwa Yehoba baji na bukine. Kabiji waamba ne pa bishinka byalengela Bakamonyi bena kushiinwa kuba’mba baji na bukine.
Ingijilainga Lesa mu Bukishinka Nangwa kya Kuba Mubena Kupita mu “bya Malwa Byavula”
Bonse tupita mu bya malwa mambo tubena kwikala mu ntanda ya kwa Satana. Ñanyi mashinda amo engijisha Satana pa kulukukañana? Twakonsha kwinengezha byepi ku ano mashinda?
Anweba Bansemi
Bansemi baji na mwingilo wa kukomesha baana babo “mu kwibajimuna ne kwibafunjisha milanguluko ya Yehoba.” (Efisesa 6:4) Uno mutwe waamba pa mashinda akonsha kukwasha bansemi kufunga baana babo ne kwibakwasha kutemwa Yehoba.
Mepuzho Afuma ku Batanga
Nanchi byambo byaambile Davida biji mu Salamo 37:25 ne byaambile Yesu biji mu Mateo 6:33 bilumbulula’mba Yehoba kechi ukaswishapo mwina Kilishitu kwikala kwa kubula kajo nyi?
Lufu ye Mulwanyi Ukapelako Konaunwa
Lufu ne bintu byonse bipaya bantu byaleta lumanamo lukatampe. Mambo ka bantu o bafwila? ‘Lufu aye mulwanyi’ bakamuzhiya byepi? (1 Kolinda 15:26) Akimonai mikumbu byo isolola maana, buchibamambo bwaoloka bwa Yehoba ne butemwe bwanji.
Vulukainga Baji mu Mwingilo wa Kimye Kyonse
Bapopweshi bavula ba kwa Yehoba bengila bingi na ngovu mu mwingilo wa kimye kyonse. Twafwainwa kuba ka pa kuba’mba ‘tuvulukenga kimye kyonse mingilo yabo ya lwitabilo kabiji yakosa’?
