KYAMBA KYA USOPA—KYA KUFUNDAMO Kapyantoto 2015
Muji mitwe ya kufundamo kutendeka mu July 27 kukafika mu August 30, 2015.
Kilishitu mo Mumwekela Bulume bwa Lesa
Bya kukumya byaubile Yesu kechi byakwashishetu bena Isalela ba kala ne, bino byamwesheshe ne byo akoobila bantu bonse kulutwe na lwendo.
Watemenwe Bantu
Bya kukumya byaubile Yesu byamweshanga byepi muchima wanji byo aji?
Twakonsha Kwikala ba Kishinka
Baibolo waamba pa bintu bisatu byakonsha kwitukwasha kushinda milanguluko yatama.
“Umvwe Kingsley Wakonsha Kwikyuba, ne Amiwa Nakonsha!”
Kingsley, wa ku Sri Lanka, washinjile makatazho avula pa kuba’mba atange jashi janji mu maminiti acheche.
Ubainga Bintu Monka Mwayila Lulombelo Lwafunjishe Yesu—Lubaji I
Mambo ka Yesu pa kulomba o aingijishe byambo bya kuba’mba “Tata wetu” kechi amba “Tata wami” ne?
Ubainga Bintu Monka Mwayila Lulombelo Lwafunjishe Yesu—Lubaji II
Umvwe twalomba Lesa kwitupa kajo ketu ka pa juba pa juba, kilumbulula’mba tubena kulomba byavula kwi aye, kechi kajo ketutu konka ne.
“Kimufwainwa Anweba Kuchinchika”
Bintu bina byanengezha Yehoba byakonsha kwimukwasha kuchinchika meseko nangwatu makatazho akwabo.
Nanchi Mukivuluka Nyi?
Nanchi mwatanga Kyamba kya Usopa nyi? Esekai mumone inge mwakonsha kuvuluka.
