Mepuzho a mu Baibolo a Kumbulwa
Nanchi Lesa uji byepi?
Lesa mupashi, o ene mambo o tubujila kumumwena. Walengele jiulu, ntanda ne bintu byonse bipeema. Kafwako walengele Lesa ne, kabiji kechi uji na ntendekelo ne. (Salamo 90:2) Lesa ukeba amba bantu bamukebe ne kuyuka bukine pe aye.—Tangai Byubilo 17:24-27.
Lesa ke muntu ye twakonsha kuyuka ne jizhina. Twakonsha kuyuka byubilo byanji bimo kupichila mu kulanguluka pa bintu byo alenga. (Loma 1:20) Bino, pa kuba’mba tuyuke Lesa bulongo, twafwainwa kufunda Mambo anji, Baibolo. Itulengela kuyuka bulongo byubilo byanji bya butemwe.—Tangai Salamo 103:7-10.
Lesa umvwa byepi pa nshiji?
Mulenga wetu aye Yehoba washikwa nshiji. Walengele bantu mu kipasha kyanji. (Mpitulukilo ya mu mizhilo 25:16) O ene mambo o twashikilwa nshiji. Lesa kechi ye ulengela nshiji iji mu ntanda ne. Lesa wapeele bantu bwanabwabene. Bantu bavula kechi bengijisha bulongo bwanabwabene ne. Yehoba “kyamufichisha bingi ku muchima.”—Tangai Ntendekelo 6:5, 6; Mpitulukilo ya mu mizhilo 32:4, 5.
Yehoba watemwa bunchibamambo bwaoloka kabiji kechi ukaleka nshiji kutwajijila ne. (Salamo 37:28, 29) Baibolo walaya kuba’mba katatakatu Lesa akapwishe nshiji.—Tangai 2 Petelo 3:7-9, 13.
Baibolo walaya kuba’mba Lesa katatakatu akalete bunchibamambo bwaoloka ku bantu bonse
Mwakonsha Kutemwa
KYAMBA KYA USOPA
Nanchi Kine Lesa Twakonsha Kumutaana Nyi?
Byubilo bya Lesa byakatazha kuyuka byakonsha kwimukwasha kufwenya kwipi ne aye.
ESSENTIAL BIBLE TEACHINGS
Mambo ka Lesa o Aswishisha Buyanji?
Bantu bavula bepuzha’mba mambo ka buyanji ne lupato o byavujila bibye mu ntanda? Mu Baibolo muji mukumbu wawama bingi.
