Pa juba japeleleko saka akyangye kufwa, Yesu wakambizhe baana banji ba bwanga bakishinka kuvulukanga lufu lwanji. Kwingijisha shinkwa wa kubula mbizho ne binyu, watendekele kitelwa amba Kijiilo kyapeleleko nangwa amba Kijiilo kya Mabanga ne kukambizha amba: “Saka muba kino mu kumvuluka.”—Luka 22:19.

Pa mwaka pa myaka, Bakamonyi ba kwa Yehoba ntanda yonse bapwila pamo na kuvuluka lufu lwa kwa Yesu. Mu 2014, Kivuluko kikekalako pa kimo pa 14, April panyuma ya kuzhika juba.

Mwane mwaitwa kutanwako ku kuno kupwila ko bakalumbulula buneme bwa bukuzhi bwa lufu bwa kwa Yesu. Bonse bakatanwako kechi bakapana mali ne. Kabiji kechi kukekala kupishamo muchiba wa kubikamo mali ne. Muntu wimupeele uno magazini wakonsha kwimubula kimye, mpunzha kukekala Kivuluko konkako kwenu nangwa mwakonsha kuya pa intaneti kwingijisha Keyala wetu wa jw.org. Mwane yukai juba jikekalako kivuluko pa kuba’mba mukatanweko.