Mepuzho a mu Baibolo a Kumbulwa
Mambo ka o twafwainwa kulombela amba Bufumu bwa Lesa bwiye?
Nanchi mubena kukeba kuyukilapo bikwabo pa Bufumu bwa Lesa ne byo bukaleta nyi?
Bufumu bwa Lesa ke kafulumende uji mwiulu. Yesu wafunjishe baana banji ba bwanga kulomba’mba bwiye mambo bukabwezha bololoke ne mutende pano pa ntanda. Kafwako kafulumende wa bantu wakonsha kufumyapo bukapondo, nshiji, nangwa bikola ne, kanatu Bufumu bwa Lesa. Lesa wasala Mwananji aye Yesu, kwikala Mfumu wa buno Bufumu. Yehoba wasala ne jibumba ja baana ba bwanga ba kwa Yesu kuba’mba bakalamenga pamo ne Yesu mu Bufumu.—Tangai Luka 11:2; 22:28-30.
Katatakatu, Bufumu bwa Lesa bukafumyepo bonse bakana bukalama bwa Lesa. Inge ke mulombe amba Bufumu bwa Lesa bwiye, ko kuba’mba mubena kulomba amba kafulumende wa Lesa afumyepo makafulumende a bantu.—Tangai Danyela 7:13, 14; Lumwekesho 11:15, 18.
Mambo ka bantu o bakamwenamo mu Bufumu bwa Lesa?
Yesu ye wafwainwa kwikala Mfumu mambo uji na lusa. Byo aji Mwana Lesa, uji na bulume bwa kukwasha bonse balomba kwi Lesa amba e bakwashe.—Tangai Salamo 72:8, 12-14.
Bantu bonse batokesha Lesa pa muchima ne kulomba’mba Bufumu bwa Lesa bwiye, bakamwenamo. Kechi mukelangulusha inge mwatendeka kufunda byaamba Baibolo pa Bufumu bwa Lesa ne.—Tangai Luka 18:16, 17; Yoano 4:23.
