Mepuzho a mu Baibolo Akumbulwa
Mambo ka o twafwainwa kuvulukilanga lufu lwa kwa Yesu?
Ñanyi bintu byawama bikamwenamo bantu kulutwe mu lufu lwa kwa Yesu?—Isaya 25:8; 33:24.
Lufu lwa kwa Yesu lwanema bingi kufumatu kala kufika ne lelo jino, mambo wafwile kuba’mba bantu bakekale bulongo byonkatu Lesa byo akebelenga. Muntu kechi bamulengele kuba’mba akoobenga bintu byatama, kukolwa nangwa kufwa ne. (Ntendekelo 1:31) Pano bino, bundengamambo bwatwelele pano pa ntanda na mambo a muntu mutanshi, aye Adama. Yesu wapaine bumi bwanji kuba’mba etupokolole ku bundengamambo ne lufu.—Tangai Mateo 20:28; Loma 6:23.
Lesa wamwesheshe butemwe bwanji pa kwitutumina Mwananji pano pa ntanda kuba’mba etufwile. (1 Yoano 4:9, 10) Yesu waambijile baana banji ba bwanga kuvulukanga lufu lwanji kimye kyo baikele na kijiilo kicheche po aingijishe shinkwa ne binyu. Kuba bino pa mwaka pa mwaka kumwesha’mba tusanchila Lesa ne Yesu pa byo betutemwa.—Tangai Luka 22:19, 20.
Bañanyi bafwainwa kujako shinkwa ne kutoma binyu?
Yesu byo abuujile baana banji ba bwanga kuvulukanga lufu lwanji, waambilenga pa lulayañano nangwa’mba mulaye. (Mateo 26:26-28) Kino kyalengela bantu bachechetu kukekala bamfumu ne bañanga pamo nanji mwiulu. Nangwa kya kuba bantu bavula batanwako pa kuvuluka lufu lwa kwa Yesu, bajakotu ku shinkwa ne kutoma binyu ke bonkaba baji mu luno lulayañano.—Tangai Lumwekesho 5:10.
Pa myaka yapitapo nobe 2,000, Yehoba wasala bakekala bamfumu. (Luka 12:32) Bakaya mwiulu bakepa, bakekala pano pa ntanda myaka ne myaka bavula bingi.—Tangai Lumwekesho 7:4, 9, 17.
Mwakonsha Kutemwa
BAKAMONYI BA KWA YEHOBA
Kivuluko kya Lufu lwa kwa Yesu
Bakamonyi ba kwa Yehoba babena kwimwita kwiya na kutanwa ku Kivuluko kya Lufu lwa kwa Yesu kikekalako pa April 12, 2025.
KYAMBA KYA USOPA
Mambo ka o Twafwainwa Kuvulukila Lufu lwa kwa Yesu?
Bantu bavula basekela kusemwa kwa kwa Yesu pa Kiminshiminshi ne kusangulwa kwanji pa Ishita. Pano mambo ka Bakamonyi ba kwa Yehoba o bavulukilatu lufu lwa Yesu?
MEPUZHO O BEPUZHA JAVULA
Mambo ka Bakamonyi ba kwa Yehoba o Bavulukila Kijiilo kya Nkambo kya Mabanga mu Jishinda Japusanako ku Bupopweshi Bukwabo?
Kabiji kitelwa’mba Kijiilo Kyapeleleko nangwa’mba Kivuluko, ke kijiilo kyanema bingi ku Bakamonyi ba kwa Yehoba. Bishinka pa kino kijiilo byanembwa mu. Monai Baibolo byo yaambapo pa kino kijiilo.
