Mepuzho a mu Baibolo Akumbulwa
Nanchi kyakonsheka kwikala mu ntanda mukabula buyanji nyi?
Lesa ukaleta byepi ntanda mukabula buyanji?—Mateo 6:9, 10.
Pa mwaka pa mwaka, buyanji bwipaya bantu bavula bingi na kikola kya nzala ne bikolatu bikwabo. Nangwa kya kuba mu byalo bimo bantu baikala bulongo, mu byalo byavula muji bingi buyanji. Baibolo waamba’mba bantu babena kuyanda bingi.—Tangai Yoano 12:8.
Kwafwainwa kwikala kafulumende umo ntanda yonse wakonsha kufumyapo buyanji. Uno kafulumende wafwainwa kwikala na bulume bwakukonsha kupa bantu bonse bintu byo bakeba ne kufumyapo nkondo, mambo nkondo yo ine ilengela bantu kuyanda. Lesa walaya kuleta uno kafulumende wa ntanda yonse.—Tangai Danyela 2:44.
Ñanyi wakonsha kufumyapo buyanji?
Lesa watongola Mwananji, aye Yesu kulama bantu bonse. (Salamo 2:4-8) Yesu ukapokolola bayanji ne kupwisha lumanamo ne bukapondo.—Tangai Salamo 72:8, 12-14.
Yesu byo aji “Mfumu wa Mutende,” ukaleta mutende pano pa ntanda ponse ne kuzhikijila bantu. Bantu bonse pano pa ntanda bakekalanga bulongo mu mazubo abo, kwingila mingilo ikebaletelanga lusekelo ne kwikala na kajo kavula.—Tangai Isaya 9:6, 7; 65:21-23.
