Nanchi Baibolo Waamba’mba Ka?
Nanchi pano pa ntanda pakekalapo bunchibamambo bwaoloka nyi?
Mwakonsha kukumbula amba ka?
Ee
Ine
Kampe
Byamba Baibolo
“Nayuka namba Yehoba ukalwilako balanda ne kuchibila mambo bayanji.” (Salamo 140:12) Bufumu bwa Lesa bukaleta buchibamambo bwaoloka pano pa ntanda.
Ñanyi bintu bikwabo byo tufunda mu Baibolo?
Lesa umona buchibamambo bwabula kulumbuluka buji pano pa ntanda kabiji ukobapo kimo.—Musapwishi 5:8.
Buchibamambo bwa Lesa bukaleta mutende ne luzhikijilo pano pa ntanda.—Isaya 32:16-18.
Nanchi Lesa wanemekako jibumba jimo ja bantu kukila jikwabo nyi?
Bantu bamo baitabila kuba’mba kuji jibumba ja bantu janema kukila jikwabo, kabiji bakwabo baitabila kuba’mba Lesa wanemeka bantu bonse. Mwalangulukapo amba ka?
Byamba Baibolo
“Lesa kechi uji na misalululo ne, bino mu bisaka byonse muntu umwakamwa ne kuba byaoloka ye witabilwa kwi aye.” (Byubilo 10:34, 35) Kwesakana na mmweno ya Lesa, kafwako muntu wanema kukila mukwabo ne.
Ñanyi bintu bikwabo byo tufunda mu Baibolo?
Mu Baibolo muji “mambo awama” a “ku bisaka bya bantu byonse ne ku mikoka yonse ku ba njimi yonse ne ku mitundu yonse ya bantu.”—Lumwekesho 14:6.
Mwakonsha Kutemwa
BAIBOLO UPIMPULA BWIKALO BWA BANTU
Nakebelenga Kupwisha Nshiji
Ba Rafika batwelele mu kipanyi kya bantu bakebelenga kupwisha nshiji. Bino mu kuya kwa kimye bafunjile mulaye wa mu Baibolo wa kuba’mba Bufumu bwa Lesa bo bukafumyapo nshiji ne kuleta mutende.
